Eitt umdeildasta nauðgunaratriði í sögu Hollywood var raunveruleg nauðgun Sunna Kristín Hilmarsdóttir skrifar 3. desember 2016 23:01 Brando og Schneider í hlutverkum sínum í Last Tango in Paris. Eitt umdeildasta nauðgunaratriði í sögu Hollywood, svokallað smjöratriði úr mynd ítalska leikstjórans Bernardo Bertolucci, Last Tango in Paris, var í raun nauðgun þar sem leikkonan, Maria Schneider, vissi ekki hvernig atriðið var þegar hún „lék“ í því á móti Marlon Brando. Leikstjórinn upplýsti um þetta í viðtali árið 2013 sem erlendir miðlar hafa greint frá undanfarna daga en Bertolucci segist ekki sjá eftir því að hafa gert atriðið á þennan hátt þó að hann sé með samviskubit yfir því. Last Tango in Paris var frumsýnd árið 1972. Schneider var aðeins 19 ára gömul þegar hún lék í myndinni en Brando 48 ára. Gagnrýnendur héldu ekki vatni yfir frammistöðu Schneider og sagði Roger Ebert meðal annars að svo virtist sem Schneider væri ekki að leika heldur geislaði einfaldlega af henni. Það er að minnsta kosti ljóst að Schneider var ekki að leika í nauðgunaratriðinu þar sem persóna Brando notar smjör til þess að hann eigi auðveldara með að nauðga stúlkunni. Í viðtalinu frá árinu 2013 segir Bertolucci að hann og Brando hafi fengið hugmyndina að atriðinu yfir morgunmatnum daginn áður en það var tekið upp. Hann hafi hins vegar ákveðið að segja Schneider ekki frá því. „Ég kom hræðilega fram við Mariu því ég sagði henni ekki hvað væri í gangi,“ sagði Bertolucci. „Ég vildi ekki að hún myndi leika niðurlæginguna og reiðina. Ég vildi að hún fyndi til, ekki að hún myndi leika, heldur að hún fyndi fyrir niðurlægingunni og reiðinni. Síðan hataði hún mig það sem eftir var ævinnar.“ Schneider lést árið 2011 en hún ræddi atriðið á sínum tíma í viðtali við Daily Mail. Þar sagði hún að henni hafi fundist hún niðurlægð. „Og ef ég á að vera hreinskilin þá fannst mér smá eins og mér hefði verið nauðgað, bæði af Marlon og Bertolucci. Eftir atriðið þá huggaði Marlon mig ekki eða baðst afsökunar og sem betur fer var bara ein taka.“ Viðtalið við Bertolucci má sjá hér að neðan. Mest lesið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Hyggjast halda breytta Söngvakeppni á næsta ári Lífið Opna fyrstu umboðsstofuna í eigu leikara Menning Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið „Fimm ár af allskonar og hamingjan er enn hér“ Lífið Einfalt og frísklegt útlit fyrir hlaupið Lífið Fleiri fréttir Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Eitt umdeildasta nauðgunaratriði í sögu Hollywood, svokallað smjöratriði úr mynd ítalska leikstjórans Bernardo Bertolucci, Last Tango in Paris, var í raun nauðgun þar sem leikkonan, Maria Schneider, vissi ekki hvernig atriðið var þegar hún „lék“ í því á móti Marlon Brando. Leikstjórinn upplýsti um þetta í viðtali árið 2013 sem erlendir miðlar hafa greint frá undanfarna daga en Bertolucci segist ekki sjá eftir því að hafa gert atriðið á þennan hátt þó að hann sé með samviskubit yfir því. Last Tango in Paris var frumsýnd árið 1972. Schneider var aðeins 19 ára gömul þegar hún lék í myndinni en Brando 48 ára. Gagnrýnendur héldu ekki vatni yfir frammistöðu Schneider og sagði Roger Ebert meðal annars að svo virtist sem Schneider væri ekki að leika heldur geislaði einfaldlega af henni. Það er að minnsta kosti ljóst að Schneider var ekki að leika í nauðgunaratriðinu þar sem persóna Brando notar smjör til þess að hann eigi auðveldara með að nauðga stúlkunni. Í viðtalinu frá árinu 2013 segir Bertolucci að hann og Brando hafi fengið hugmyndina að atriðinu yfir morgunmatnum daginn áður en það var tekið upp. Hann hafi hins vegar ákveðið að segja Schneider ekki frá því. „Ég kom hræðilega fram við Mariu því ég sagði henni ekki hvað væri í gangi,“ sagði Bertolucci. „Ég vildi ekki að hún myndi leika niðurlæginguna og reiðina. Ég vildi að hún fyndi til, ekki að hún myndi leika, heldur að hún fyndi fyrir niðurlægingunni og reiðinni. Síðan hataði hún mig það sem eftir var ævinnar.“ Schneider lést árið 2011 en hún ræddi atriðið á sínum tíma í viðtali við Daily Mail. Þar sagði hún að henni hafi fundist hún niðurlægð. „Og ef ég á að vera hreinskilin þá fannst mér smá eins og mér hefði verið nauðgað, bæði af Marlon og Bertolucci. Eftir atriðið þá huggaði Marlon mig ekki eða baðst afsökunar og sem betur fer var bara ein taka.“ Viðtalið við Bertolucci má sjá hér að neðan.
Mest lesið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Hyggjast halda breytta Söngvakeppni á næsta ári Lífið Opna fyrstu umboðsstofuna í eigu leikara Menning Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið „Fimm ár af allskonar og hamingjan er enn hér“ Lífið Einfalt og frísklegt útlit fyrir hlaupið Lífið Fleiri fréttir Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira