Guðni boðar flokksformenn á sinn fund á morgun

Guðni Th. Jóhannesson, forseti Íslands, hefur boðað forystufólk stjórnmálaflokka, sem eiga sæti á Alþingi, til funda á morgun, föstudaginn 2. desember.

Í tilkynningu frá skrifstofu forseta segir að hann muni fyrst hitta formann Sjálfstæðisflokksins, Bjarna Benediktsson, klukkan 10:00.

Fundurinn verður á skrifstofu forseta að Staðastað, Sóleyjargötu 1.

Í kjölfarið fylgja fundir með öðru forystufólki og við það miðað að hver fundur vari um hálfa klukkustund.