Búið að opna fyrir úthlutun til félagsmanna SVFR

Á vefnum hjá Stangaveiðifélagi Reykjavíkur hefur verið opnað fyrir umsóknir í félagsúthlutun til félagsmanna.

Það er misjafnt hvaða svæði eru vinsæl á hverju ári en umsóknarþunginn er samt alltaf mestur í Elliðaárnar.  Mikið er sótt í Hítará, Haukadalsá, Laxá í Mý, Andakílsá, Gljúfurá, Fáskrúð og auðvitað í flaggskip félagsins Langá á Mýrum.  Umsóknarfresturinn er til 6. janúar 2017, það má einnig benda á að ef félagsmenn hyggjast ekki nýta sér úthlutuð veiðileyfi, þarf að tilkynna skrifstofu félagsins það fyrir 1. mars 2017.  Hægt er að kynna sér úhlutunarreglur félagsins HÉR.  Sótt er um leyfi heimasíðu félagsins.

Forúthlutun til félagsmanna gekk vel og greinilegt að margir veiðimenn halda tryggð við sumar árnar ár eftir ár.  Veiðimenn eru þegar farnir að telja niður dagana í að næsta veiðitímabil hefjist en það gerist 1. apríl 2017 og hefst þá vorveiði á sjóbirting ásamt því að nokkur vötn opna fyrir veiðimenn.  Almennt er nokkur bjartsýni hjá sérfræðingum fyrir góðri laxgengd á komandi sumri og ástæður þessarar bjartsýni er hlýtt vor, gott ástand sjávar og auk þess bættist við nokkur fjöldi seiða sem tók aukaár í nokkrum ám og er það yfirleitt gott merki.