Sturla Snær hækkaði sig um fimm sæti í seinni ferðinni

Íslenski landsliðsmaðurinn Sturla Snær Snorrason stóð sig vel í dag á sænska meistaramótinu í svigi en mótið er gríðarlega sterkt.

Sturla Snær hóf keppni í sæti númer 23 en endaði í 14.sæti eftir að hafa verið í 19.sæti eftir fyrri ferðina.

Í seinni ferðinni keyrði Sturla Snær gríðarlega vel og var með sjöunda besta tímann sem sýnir vel hversu góð ferð þetta var hjá stráknum.

Sturla endaði 2,87 sek á eftir sigurvegaranum Matthias Hargin en hann er fremsti svigkeppandi Svía í dag og er fjórtándi á heimslista FIS í greininni.

Fyrir mótið fær Sturla Snær 32.67 FIS punkta sem er næst besti árangurinn hjá Sturla Snæ í vetur og alveg við hans heimslistastöðu.

Sturla Snær Snorrason verður 23 ára gamall í næsta mánuði en hann er Ármenningur.