Anna Nicole sást síðast í miðbænum

Anna Nicole Grayson, konan sem lögreglan leitar nú að, sást síðast á miðborgarsvæðinu um hádegisbil í gær. Anna Nicole glímir við veikindi og því er mikilvægt að hún finnist sem fyrst, segir Gunnar Rúnar Sveinbjörnsson, upplýsingafulltrúi lögreglunnar á höfuðborgarsvæðinu, í samtali við fréttastofu.

Lögreglan lýsti í gær eftir Önnu Nicole, sem er 29 ára, og bað alla þá sem telja sig hafa upplýsingar um ferðir hennar að hafa samband. Talið er að hún sé klædd í brúnan jakka, bleika hettupeysu, zebra-mynstraðar buxur og í gúmmístígvélum. Anna er 174 sentímetrar á hæð, með blá augu, millisítt dökkt hár og þéttvaxin.

Formleg leit að Önnu er ekki hafin, en sem fyrr segir eru þeir hafa upplýsingar beðnir um að hafa samband við lögreglu í síma 444-1000.

Uppfært 14.03.2017 kl. 16:30:

Anna er komin í leitirnar.