Ásdís önnur á Kanarí

Ásdís Hjálmsdóttir lenti í 2. sæti í spjótkasti á Evrópska kastmótinu á Kanaríeyjum í dag.

Ásdís kastaði lengst 59,20 metra í þriðja kasti. Martina Ratej hafði sigur en hún grýtti spjótinu 60,66 metra.

Ásdís kastaði 58,21 metra í fyrsta kasti, 55,66 metra í öðru kasti og náði svo sínu besta kasti (59,20 metrar) í þriðju umferð.

Ásdís gerði ógilt í fjórða kasti, kastaði 58,04 metra í fimmta kasti og 57,98 metra í sjötta og síðasta kastinu.

Vigdís Jónsdóttir keppti í sleggjukasti U-23 ára og endaði í 12. sæti. Vigdís kastaði lengst 58,69 metra.