Segja boðaðar skattahækkanir reiðarslag fyrir ferðaþjónustu Hulda Hólmkelsdóttir skrifar 30. mars 2017 21:26 Grímur Sæmundsson á fundinum í dag. Vísir/Eyþór Ferðaþjónustufyrirtæki verða hækkuð upp í nýtt virðisaukaskattsþrep, úr 11 prósentum í 22,5 samkvæmt tillögu ríkisstjórnarinnar, en breytingin á að taka gildi í júlí á næsta ári. Mikil óánægja ríkir meðal ferðaþjónustufyrirtækja með þessa tillögu og var boðað til aukafundar hjá samtökum ferðaþjónustunnar síðdegis í dag vegna málsins. Á fundinum var samþykkt harðorð ályktun þar sem fundarmenn mótmæltu harðlega þessum skattahækkunum ríkisstjórnarinnar. Í henni segir meðal annars að mikil gengisstyrking og kostnaðarhækkanir stefni nú þegar afkomu fyrirtækja í ferðaþjónustu í mikla hættu. „Ferðaþjónustan er grunnstoð í íslensku atvinnulífi og með óyfirveguðum aðgerðum ríkisstjórnarinnar er vegið að framtíðarmöguleikum greinarinnar og íslensku efnahagslífi,“ segir í ályktuninni. Um klukkan sex fóru forystumenn samtakanna á fund fjármálaráðherra og ferðamálaráðherra í fjármálaráðuneytinu. „Þetta er ekki í neinu samráði við greinina, það er ekkert samráð við okkur haft. Þessu er skellt fram í tengslum við ríkisfjármálaáætlun sem á að leggja fram á morgun. Það er ljóst að álögur á greinina munu aukast um 16 til 20 milljarða á ári, 2019 þegar þessar breytingar eru að fullu komnar til framkvæmda. Og ég spyr bara hvaða atvinnugrein á að standa undir slíkum auknum álögum,“ segir Grímur Sæmundsson, formaður samtaka ferðaþjónustunnar, en rætt var við hann í kvöldfréttum Stöðvar 2.Þið hafið verið að funda með fjármálaráðherra, hefur hann sýnt þessum kröfum ykkar skilning? „Við vorum hér á fundi með fjármálaráðherra og ferðamálaráðherra. Þar sem við gagnrýndum þetta samráðsleysi og að það sé opnað á að það sé reynt að vinna í þessum málum í samvinnu við greinina eins og við höfum horft til að gert væri. Þess vegna vorum við að setja á stofn stjórnstöð ferðamála á sínum tíma til að þróa nýja starfshætti milli stjórnvalda og atvinnulífsins og okkur finnst þetta ekki vera í samræmi við þau áform.“Viljið þið fá meiri frest áður en þessi skattur verður lagður á, eða viljið þið bara alls ekki að hann verði hækkaður? „Númer eitt væri að það væri gerð einhver greining á áhrifum þessara áforma á greinina. Það liggur engin greining fyrir að hálfu fjármálaráðherra eða ferðamálaráðherra á því hvaða áhrif þetta hefur á fyrirtæki í greininni. Það liggur alveg fyrir að við erum að horfa til þess að það verður engin fjárfesting á landsbyggðinni, menn fara ekki í fjárfestingar þar. Gististaðirnir, það eru enn skekktari samkeppnisstaða heldur en nú er vegna leyfislausrar starfsemi og lítil og minni fyrirtæki þau munu fara mjög halloka í þessu.Ályktun samtakanna í heild sinni:Reiðarslag fyrir ferðaþjónustuVerði virðisaukaskattur á ferðaþjónustu tvöfaldaður eins og forystumenn ríkisstjórnarinnar hafa boðað mun það hafa í för með sér grafalvarlegar afleiðingar fyrir fyrirtæki og starfsfólk í ferðaþjónustu um land allt.Afleiðingarnar verða alvarlegastar fyrir landsbyggðina sem á nú þegar undir högg að sækja þegar kemur að ferðaþjónustu.Mikil gengisstyrking og kostnaðarhækkanir stefna nú þegar afkomu fyrirtækja í greininni í mikla hættu. Með boðuðum skattahækkunum ríkisstjórnarinnar versnar samkeppnishæfni Íslands til mikilla muna.Ferðaþjónustan er grunnstoð í íslensku atvinnulífi og með óyfirveguðum aðgerðum ríkisstjórnarinnar er vegið að framtíðarmöguleikum greinarinnar og íslensku efnahagslífi.Ferðaþjónusta er í eðli sínu alþjóðleg atvinnugrein. Íslensk ferðaþjónustufyrirtæki starfa því á alþjóðlegum markaði og í samkeppni við erlenda áfangastaði þar sem ferðaþjónustan er almennt í lægri þrepum virðisaukaskattskerfisins. Það hefur sýnt sig að þau lönd sem eru t.a.m. með gististaði í efri skattþrepum hafa lotið í lægra haldi í samkeppni við aðra áfangastaði. Tillögur um hækkun á virðisaukaskatti vega þannig alvarlega að samkeppnishæfni Íslands.Þá lýsa Samtök ferðaþjónustunnar yfir miklum vonbrigðum með samráðsleysi stjórnvalda þegar kemur að eins umfangsmiklum breytingum og fyrirhugaðar hækkanir eru.Fjölmennur félagsfundur Samtaka ferðaþjónustunnar skorar á ríkisstjórnina að láta af áformum um hækkun virðisaukaskatts á íslenska ferðaþjónustu. Ferðamennska á Íslandi Mest lesið Leysti út lögmannsréttindin: Fer í sjálfstæðan rekstur en heldur eftirlaununum Innlent Stytta þurfi sumarfrí barna um að lágmarki tvær vikur Innlent Hafði ritað „Breivik“ og „Drepið Trump“ á skotvopnin Erlent Sá blóðugan mann hlaupa út og árásarmanninn á eftir honum Innlent Játning á borðinu í umfangsmestu þjófnuðum seinni tíma Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Hafna „órökstuddum fullyrðingum“ Sigurðar Inga Innlent Skólamál í Kópavogi: Bókun eftir bókun á fundi bæjarstjórnar Innlent Mögulega þúsundir glæpamanna nýtt þjónustuna: „Ísland er misnotað í svona málum“ Innlent Fleiri fréttir Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Sjá meira
Ferðaþjónustufyrirtæki verða hækkuð upp í nýtt virðisaukaskattsþrep, úr 11 prósentum í 22,5 samkvæmt tillögu ríkisstjórnarinnar, en breytingin á að taka gildi í júlí á næsta ári. Mikil óánægja ríkir meðal ferðaþjónustufyrirtækja með þessa tillögu og var boðað til aukafundar hjá samtökum ferðaþjónustunnar síðdegis í dag vegna málsins. Á fundinum var samþykkt harðorð ályktun þar sem fundarmenn mótmæltu harðlega þessum skattahækkunum ríkisstjórnarinnar. Í henni segir meðal annars að mikil gengisstyrking og kostnaðarhækkanir stefni nú þegar afkomu fyrirtækja í ferðaþjónustu í mikla hættu. „Ferðaþjónustan er grunnstoð í íslensku atvinnulífi og með óyfirveguðum aðgerðum ríkisstjórnarinnar er vegið að framtíðarmöguleikum greinarinnar og íslensku efnahagslífi,“ segir í ályktuninni. Um klukkan sex fóru forystumenn samtakanna á fund fjármálaráðherra og ferðamálaráðherra í fjármálaráðuneytinu. „Þetta er ekki í neinu samráði við greinina, það er ekkert samráð við okkur haft. Þessu er skellt fram í tengslum við ríkisfjármálaáætlun sem á að leggja fram á morgun. Það er ljóst að álögur á greinina munu aukast um 16 til 20 milljarða á ári, 2019 þegar þessar breytingar eru að fullu komnar til framkvæmda. Og ég spyr bara hvaða atvinnugrein á að standa undir slíkum auknum álögum,“ segir Grímur Sæmundsson, formaður samtaka ferðaþjónustunnar, en rætt var við hann í kvöldfréttum Stöðvar 2.Þið hafið verið að funda með fjármálaráðherra, hefur hann sýnt þessum kröfum ykkar skilning? „Við vorum hér á fundi með fjármálaráðherra og ferðamálaráðherra. Þar sem við gagnrýndum þetta samráðsleysi og að það sé opnað á að það sé reynt að vinna í þessum málum í samvinnu við greinina eins og við höfum horft til að gert væri. Þess vegna vorum við að setja á stofn stjórnstöð ferðamála á sínum tíma til að þróa nýja starfshætti milli stjórnvalda og atvinnulífsins og okkur finnst þetta ekki vera í samræmi við þau áform.“Viljið þið fá meiri frest áður en þessi skattur verður lagður á, eða viljið þið bara alls ekki að hann verði hækkaður? „Númer eitt væri að það væri gerð einhver greining á áhrifum þessara áforma á greinina. Það liggur engin greining fyrir að hálfu fjármálaráðherra eða ferðamálaráðherra á því hvaða áhrif þetta hefur á fyrirtæki í greininni. Það liggur alveg fyrir að við erum að horfa til þess að það verður engin fjárfesting á landsbyggðinni, menn fara ekki í fjárfestingar þar. Gististaðirnir, það eru enn skekktari samkeppnisstaða heldur en nú er vegna leyfislausrar starfsemi og lítil og minni fyrirtæki þau munu fara mjög halloka í þessu.Ályktun samtakanna í heild sinni:Reiðarslag fyrir ferðaþjónustuVerði virðisaukaskattur á ferðaþjónustu tvöfaldaður eins og forystumenn ríkisstjórnarinnar hafa boðað mun það hafa í för með sér grafalvarlegar afleiðingar fyrir fyrirtæki og starfsfólk í ferðaþjónustu um land allt.Afleiðingarnar verða alvarlegastar fyrir landsbyggðina sem á nú þegar undir högg að sækja þegar kemur að ferðaþjónustu.Mikil gengisstyrking og kostnaðarhækkanir stefna nú þegar afkomu fyrirtækja í greininni í mikla hættu. Með boðuðum skattahækkunum ríkisstjórnarinnar versnar samkeppnishæfni Íslands til mikilla muna.Ferðaþjónustan er grunnstoð í íslensku atvinnulífi og með óyfirveguðum aðgerðum ríkisstjórnarinnar er vegið að framtíðarmöguleikum greinarinnar og íslensku efnahagslífi.Ferðaþjónusta er í eðli sínu alþjóðleg atvinnugrein. Íslensk ferðaþjónustufyrirtæki starfa því á alþjóðlegum markaði og í samkeppni við erlenda áfangastaði þar sem ferðaþjónustan er almennt í lægri þrepum virðisaukaskattskerfisins. Það hefur sýnt sig að þau lönd sem eru t.a.m. með gististaði í efri skattþrepum hafa lotið í lægra haldi í samkeppni við aðra áfangastaði. Tillögur um hækkun á virðisaukaskatti vega þannig alvarlega að samkeppnishæfni Íslands.Þá lýsa Samtök ferðaþjónustunnar yfir miklum vonbrigðum með samráðsleysi stjórnvalda þegar kemur að eins umfangsmiklum breytingum og fyrirhugaðar hækkanir eru.Fjölmennur félagsfundur Samtaka ferðaþjónustunnar skorar á ríkisstjórnina að láta af áformum um hækkun virðisaukaskatts á íslenska ferðaþjónustu.
Ferðamennska á Íslandi Mest lesið Leysti út lögmannsréttindin: Fer í sjálfstæðan rekstur en heldur eftirlaununum Innlent Stytta þurfi sumarfrí barna um að lágmarki tvær vikur Innlent Hafði ritað „Breivik“ og „Drepið Trump“ á skotvopnin Erlent Sá blóðugan mann hlaupa út og árásarmanninn á eftir honum Innlent Játning á borðinu í umfangsmestu þjófnuðum seinni tíma Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Hafna „órökstuddum fullyrðingum“ Sigurðar Inga Innlent Skólamál í Kópavogi: Bókun eftir bókun á fundi bæjarstjórnar Innlent Mögulega þúsundir glæpamanna nýtt þjónustuna: „Ísland er misnotað í svona málum“ Innlent Fleiri fréttir Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Sjá meira