Afturelding bikarmeistari 2017 eftir háspennu úrslitaleik

Afturelding er bikarmeistari í blaki karla eftir ótrúlegan sigur á Stjörnunni 3-2 eftir æsispennandi leik í Laugardalshöllinni.

Stjarnan komst í 1-0 en Afturelding jafnaði í 1-1. Þá komst Stjarnan aftur yfir 2-1 og varð þá Afturelding að vinna tvær hrinur í röð.

Afturlending náði að jafna metin í 2-2 eftir æsispennandi fjórðu hrinu og unnu að lokum frækin sigur í oddahrinunni.

Lokahrinan fór 15-13 fyrir Aftureldingu. Þetta er í fyrsta skipti sem Afturelding verður bikarmeistari í karlaflokki.