Hildur Hjörvar með hæstu meðaleinkunn á mag.jur prófi í sögu lagadeildar Háskóla Íslands Margrét Helga Erlingsdóttir skrifar 24. júní 2017 17:00 Hildur Hjörvar tekur hér við verðlaunum fyrir hæstu meðaleinkunn á BA-prófi 2015. Hilduir Hjörvar Hildur Hjörvar dúxaði með hæstu meðaleinkunn á mag.jur. prófi í sögu lagadeildar Háskóla Íslands, 9,48. Útskrifað hefur verið með mag.jur. próf frá árinu 2007. Meistararitgerð Hildar var skrifuð undir leiðsögn Róberts Spanó, prófessors og dómara við Mannréttindadómstól Evrópu. Hvað skyldi búa að baki áfanga sem þessum? Hildur talar um þrotlausa vinnu af sinni hálfu. „Mín reynsla er sú að velgengni líti minna út eins og kvikmynda „montage“ og meira eins og þrotlaus vinna. Það er ekkert sérstaklega „glamorous“ við það að sitja sveittur yfir bókum kvöld eftir kvöld og paufast við að skrifa meistararitgerð sem maður hefur ekkert alltaf mikla trú á. Þetta er ekkert mjög „elegant“ ferli, bara mikil vinna.“ Mikill áhugi á réttlæti Spurð að því hvað hafi orðið til þess að hún ákvað að leggja lögfræðina fyrir sig segir Hildur hafa verið áhuga á réttlæti. „Það hljómar mjög klisjukennt að segja að ég hafi sterka réttlætiskennd en ég hef í það minnsta mikinn áhuga á réttlæti og því hvernig hægt er að setja og framfylgja reglum þannig að þær virki en séu jafnframt sanngjarnar.“ Spurð að því hvað taki við segist Hildur nú þegar starfa á LOGOS lögmannsstofu. „Ég er byrjuð að starfa sem fulltrúi á LOGOS lögmannsþjónustu sem er elsta og stærsta lögmannsstofa á Íslandi, en ég hef verið nemi þar síðan 2014. Það er virkilega gefandi að fá að vinna í alvöru málum með reynslumiklum lögmönnum.“ Hér tekur Hildur við verðlaunum fyrir hæstu meðaleinkunn á MA-prófi frá Óttari Pálssyni hrl., sem veitir verðlaun fyrir hönd LOGOS lögmannsþjónustu.Hildur Hjörvar „Mannréttindin hafa alltaf heillað“ Í ljósi þess að meistararitgerð Hildar fjallar um mannréttindabrot er hún spurð að því hvort hún hyggist leggja sviðið fyrir sig. „Ég held það kæmi vel til greina. Ég hugsa að á einhverjum tímapunkti muni ég leggja fyrir mig frekara nám. Það kæmi þá vel til greina að fara í nám á sviði mannréttinda. Mannréttindin hafa alltaf heillað.“ Meistararitgerðin lýtur að friðhelgi einkalífsins Meistararitgerð Hildar fjallar um ábyrgð ríkja á grundvelli Mannréttindasáttmála Evrópu á hlerunum og öðrum inngripum í friðhelgi einkalífs þeirra sem staddir eru utan yfirráðasvæðis þess ríkis sem beitir hlerunum. „Til dæmis ef Bretland hlerar einhvern í Frakklandi,“ segir Hildur til útskýringar. Aðspurð hvort mörg dæmi séu um brot af þessu tagi segir Hildur: „Mannréttindabrot af þessu tagi eru haldin þeim galla að afskaplega fá dómsmál eru rekin um þau vegna þess að eðlis þeirra vegna fara þau fram með leynd. Þolandi brotsins veit því oft ekki af því og leitar því ekki réttar síns.“ Á því gæti þó orðið breyting því innan skamms verða tvö stór mál tekin fyrir frá Bretlandi í kjölfar Snowden lekans. Hún telur að dómar Mannréttindadómstóls Evrópu í þeim málum muni væntanlega hafa fordæmisgildi. Í ritgerðinni bar Hildur saman þróun dómaframkvæmda annars vegar um „ábyrgð ríkja á því þegar þau hafa afskipti af fólki sem er statt utan yfirráðasvæðis þeirra og hins vegar dómaframkvæmd þegar hleranir og eftirlitskerfi er haldið við af ríkinu og hvaða skilyrði slík kerfi þurfa að uppfylla til að þau teljist ekki brjóta mannréttindi.“ Hildur bar síðan saman þessar tvær dómaframkvæmdir og athugaði hvort ábyrgð samkvæmt fyrrnefndu dómafordæmunum gæti verið til staðar vegna hlerunarbrota. Friðhelgi einkalífs viðkvæmur málaflokkur þegar fram í sækir „Ég held að vernd friðhelgi einkalífs muni mjög eiga undir högg að sækja ef Mannréttindadómstóll Evrópu finnur ekki leið til þess að komast að því að ríki sem hlera þvert á landamæri beri ábyrgð á mannréttindum þeirra sem eru hleraðir.“ Hugmyndin að ritgerðarefni kviknaði í Bandaríkjunum Hildur keppti í málflutningskeppni Philip C. Jessup í Bandaríkjunum í fyrra þar sem sett var upp ímynduð atvikalýsing og liðin þurftu að flytja mál fyrir tvö ríki sem snúast um ákveðin deiluatriði og eitt af deiluatriðunum var mál sem laut að því að eitt ríkið hafði njósnað um annað ríki. Ásteytingarefnið var því það hvort í því fælist mannréttindabrot sem ríkið sem hleraði bæri ábyrð á. Hildur segir að í kjölfarið hafi hugmyndin um að skrifa um þetta efni kviknað. Það sé mjög viðeigandi að fjalla um mannréttindabrotamál af þessu tagi í dag á tímum alþjóðavæðingar og aukinnar tæknivæðingar. Mæðgurnar útskrifuðust saman í dag Hildur og móðir hennar, Þórhildur Elín Elínardóttir, samskiptastjóri hjá Samgöngustofu, útskrifuðust saman í dag. „Ég var svo heppin að fá að vera samferða móður minni sem útskrifaðist í dag með MPA í opinberri stjórnsýslu og við ætlum að skála saman við fjölskyldu og vini.“ Mæðgurnar Þórhildur Elín Elínardóttir og Hildur Hjövar hamingjusamar með áfangann.Hildur Hjörvar Dúxar Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Kynna drög að nýrri stefnu í heilbrigðismálum Innlent Fleiri fréttir Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði Sjá meira
Hildur Hjörvar dúxaði með hæstu meðaleinkunn á mag.jur. prófi í sögu lagadeildar Háskóla Íslands, 9,48. Útskrifað hefur verið með mag.jur. próf frá árinu 2007. Meistararitgerð Hildar var skrifuð undir leiðsögn Róberts Spanó, prófessors og dómara við Mannréttindadómstól Evrópu. Hvað skyldi búa að baki áfanga sem þessum? Hildur talar um þrotlausa vinnu af sinni hálfu. „Mín reynsla er sú að velgengni líti minna út eins og kvikmynda „montage“ og meira eins og þrotlaus vinna. Það er ekkert sérstaklega „glamorous“ við það að sitja sveittur yfir bókum kvöld eftir kvöld og paufast við að skrifa meistararitgerð sem maður hefur ekkert alltaf mikla trú á. Þetta er ekkert mjög „elegant“ ferli, bara mikil vinna.“ Mikill áhugi á réttlæti Spurð að því hvað hafi orðið til þess að hún ákvað að leggja lögfræðina fyrir sig segir Hildur hafa verið áhuga á réttlæti. „Það hljómar mjög klisjukennt að segja að ég hafi sterka réttlætiskennd en ég hef í það minnsta mikinn áhuga á réttlæti og því hvernig hægt er að setja og framfylgja reglum þannig að þær virki en séu jafnframt sanngjarnar.“ Spurð að því hvað taki við segist Hildur nú þegar starfa á LOGOS lögmannsstofu. „Ég er byrjuð að starfa sem fulltrúi á LOGOS lögmannsþjónustu sem er elsta og stærsta lögmannsstofa á Íslandi, en ég hef verið nemi þar síðan 2014. Það er virkilega gefandi að fá að vinna í alvöru málum með reynslumiklum lögmönnum.“ Hér tekur Hildur við verðlaunum fyrir hæstu meðaleinkunn á MA-prófi frá Óttari Pálssyni hrl., sem veitir verðlaun fyrir hönd LOGOS lögmannsþjónustu.Hildur Hjörvar „Mannréttindin hafa alltaf heillað“ Í ljósi þess að meistararitgerð Hildar fjallar um mannréttindabrot er hún spurð að því hvort hún hyggist leggja sviðið fyrir sig. „Ég held það kæmi vel til greina. Ég hugsa að á einhverjum tímapunkti muni ég leggja fyrir mig frekara nám. Það kæmi þá vel til greina að fara í nám á sviði mannréttinda. Mannréttindin hafa alltaf heillað.“ Meistararitgerðin lýtur að friðhelgi einkalífsins Meistararitgerð Hildar fjallar um ábyrgð ríkja á grundvelli Mannréttindasáttmála Evrópu á hlerunum og öðrum inngripum í friðhelgi einkalífs þeirra sem staddir eru utan yfirráðasvæðis þess ríkis sem beitir hlerunum. „Til dæmis ef Bretland hlerar einhvern í Frakklandi,“ segir Hildur til útskýringar. Aðspurð hvort mörg dæmi séu um brot af þessu tagi segir Hildur: „Mannréttindabrot af þessu tagi eru haldin þeim galla að afskaplega fá dómsmál eru rekin um þau vegna þess að eðlis þeirra vegna fara þau fram með leynd. Þolandi brotsins veit því oft ekki af því og leitar því ekki réttar síns.“ Á því gæti þó orðið breyting því innan skamms verða tvö stór mál tekin fyrir frá Bretlandi í kjölfar Snowden lekans. Hún telur að dómar Mannréttindadómstóls Evrópu í þeim málum muni væntanlega hafa fordæmisgildi. Í ritgerðinni bar Hildur saman þróun dómaframkvæmda annars vegar um „ábyrgð ríkja á því þegar þau hafa afskipti af fólki sem er statt utan yfirráðasvæðis þeirra og hins vegar dómaframkvæmd þegar hleranir og eftirlitskerfi er haldið við af ríkinu og hvaða skilyrði slík kerfi þurfa að uppfylla til að þau teljist ekki brjóta mannréttindi.“ Hildur bar síðan saman þessar tvær dómaframkvæmdir og athugaði hvort ábyrgð samkvæmt fyrrnefndu dómafordæmunum gæti verið til staðar vegna hlerunarbrota. Friðhelgi einkalífs viðkvæmur málaflokkur þegar fram í sækir „Ég held að vernd friðhelgi einkalífs muni mjög eiga undir högg að sækja ef Mannréttindadómstóll Evrópu finnur ekki leið til þess að komast að því að ríki sem hlera þvert á landamæri beri ábyrgð á mannréttindum þeirra sem eru hleraðir.“ Hugmyndin að ritgerðarefni kviknaði í Bandaríkjunum Hildur keppti í málflutningskeppni Philip C. Jessup í Bandaríkjunum í fyrra þar sem sett var upp ímynduð atvikalýsing og liðin þurftu að flytja mál fyrir tvö ríki sem snúast um ákveðin deiluatriði og eitt af deiluatriðunum var mál sem laut að því að eitt ríkið hafði njósnað um annað ríki. Ásteytingarefnið var því það hvort í því fælist mannréttindabrot sem ríkið sem hleraði bæri ábyrð á. Hildur segir að í kjölfarið hafi hugmyndin um að skrifa um þetta efni kviknað. Það sé mjög viðeigandi að fjalla um mannréttindabrotamál af þessu tagi í dag á tímum alþjóðavæðingar og aukinnar tæknivæðingar. Mæðgurnar útskrifuðust saman í dag Hildur og móðir hennar, Þórhildur Elín Elínardóttir, samskiptastjóri hjá Samgöngustofu, útskrifuðust saman í dag. „Ég var svo heppin að fá að vera samferða móður minni sem útskrifaðist í dag með MPA í opinberri stjórnsýslu og við ætlum að skála saman við fjölskyldu og vini.“ Mæðgurnar Þórhildur Elín Elínardóttir og Hildur Hjövar hamingjusamar með áfangann.Hildur Hjörvar
Dúxar Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Kynna drög að nýrri stefnu í heilbrigðismálum Innlent Fleiri fréttir Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði Sjá meira