Átta særðust í skotárás við mosku í Frakklandi

Átta eru særðir eftir að tveir menn hófu skothríð við mosku í Avignon í Frakklandi í gærkvöldi. Talið er að árásin tengist unglingaerjum. BBC greinir frá.

Árásin átti sér stað um 22:30 að staðartíma er fólk yfirgaf Arrahma-moskuna í Avignon eftir bænahald í gærkvöldi. Hinir grunuðu, sem sagðir eru hafa beitt skammbyssu og riffli, mættu á staðinn í bíl af tegundinni Renault Clio áður en þeir hófu skothríð.

Lögregla segir ekki rannsaka árásina sem hryðuverk. Fjórir særðust fyrir utan moskuna. Þá særðist einnig fjögurra manna fjölskylda, þar á meðal sjö ára stúlka, vegna sprengjubrota sem bárust inn í íbúð þeirra úr árásinni.

Saksóknari í Frakklandi sagði árásina ekki tengda hryðjuverkum. „Það að hún átti sér stað á götu við trúarlega stofnun var árásinni ótengt,“ sagði saksóknarinn. Talið er að árásin tengist erjum á milli unglinga á svæðinu.

Á fimmtudag var maður handtekinn við að reyna að aka bíl á hóp fólks fyrir framan mosku í París. Enginn særðist við tilræðið.

Viðbúnaðarstig í Frakklandi er enn hátt í kjölfar árásar á lögreglumann í París í apríl og fleiri hryðjuverkaárása í landinu síðustu ár.

#Avignon : la piste de l'attentat écartée après la fusillade https://t.co/H3WzW1sjT6 pic.twitter.com/CEhAg9Spjt

— La Provence (@laprovence) July 2, 2017