Eggja- og lárperusalat með kalkúni

Góðir réttir þurfa ekki að vera óhollir. Hér er uppskrift sem er góðar á sumardegi en jafnframt holl, eggja- og lárperusalat með kalkúni.

Í þessa uppskrift er notuð tortilla-kaka úr heilhveiti. Þægilegur réttur sem hægt er að borða úti í náttúrunni. Fínasti hádegisverður fyrir fjóra eða nesti í ferðalagið.

Eggja- og lárperusalat með kalkúni

8 egg

3 litlar lárperur

4 msk. kotasæla

2 msk. fínt saxaður graslaukur

½ tsk. salt

½ tsk. pipar

4 tortilla-kökur

200 g spínat

100 g kalkúnaálegg



Sjóðið eggin í 10 mínútur og kælið þau undir ísköldu rennandi vatni.

Skerið eggin og lárperurnar í litla bita. Blandið saman lárperum, kotasælu, graslauk, salti og pipar. Síðan eru eggjabitarnir hærðir saman við.

Setjið spínat, kalkúnaálegg og kotasælublönduna á hverja tortillu og rúllið upp.