Upphafslag Game of Thrones eins og þú hefur aldrei heyrt það áður

Þverflautuleikarinn Jack Landstreet og sellóleikarinn Thilman Benham hafa ekki farið varhluta af hinum gríðarmiklu vinsældum sjónvarpsþáttanna Game of Thrones.

Þeir félagarnir hafa nú sent frá sér ábreiðu af upphafslagi þáttanna sem þeir tóku upp á dögunum í dómkirkju í Baltimore í Bandaríkjunum. Upprunalega útgáfa lagsins er fyrir löngu orðin sígild og geta aðdáendur þáttanna vart hamið sig við að syngja með því við upphaf hvers þáttar.

Landstreet er þó ekki einungis hæfileikaríkur flautuleikari heldur kemur á daginn að hann er einnig einkar lunkinn taktkjafur. Þannig tekst honum að spila á flautuna um leið og hann framkallar hin ýmsu trumbuhljóð með munninum.

Ábreiðu þeirra Landstreet og Benham má heyra og sjá hér að neðan.