Tilkynntu um fæðingu dóttur sinnar með hugljúfu bréfi

Priscilla Chan og Mark Zuckerberg tilkynntu rétt í þessu að dóttir þeirra August sé í heiminn komin. Það gerðu þau í hugljúfri stöðuuppfærslu í formi bréfs sem stílað er á August litlu.

Priscilla Chan er barnalæknir og Mark Zuckerberg er einn af stofnendum samfélagsmiðilsins Facebook. Fyrir eiga þau Max sem fæddist árið 2015. Hún fékk samskonar bréf þegar hún fæddist.

Í bréfinu gerðu hinir nýbökuðu foreldrar æskuna að umfjöllunarefni.

„Þú verður upptekin þegar þú verður fullorðin svo ég vona að þú takir þér drjúga lífsins stund í að anda að þér ilmi blómanna,“ segja foreldrarnir sem mælast til þess að hún njóti æskunnar til hins ítrasta. Þau segjast auk þess vera bjartsýnisfólk sem horfi björtum augum til framtíðar. Þau trúi því að heimurinn fari batnandi þrátt fyrir fyrirsagnir blaðanna.

„Barnæskan er töfrum líkust. Þú færð aðeins einu sinni að vera barn, svo ekki verja bernskuárunum í að hafa áhyggjur af framtíðinni. Það er í okkar verkahring og við munum gera allt hvað við getum til að ganga úr skugga um að heimurinn verði betri staður fyrir þig og öll börn þinnar kynslóðar,“ segja foreldrarnir.

Hér að neðan er hægt að lesa stöðuuppfærsluna í heild.