Leikstjóri Keðjusagarmorðanna í Texas látinn

Tobe Hooper, bandaríski leikstjórinn sem þekktastur fyrir hryllingsmyndina Keðjusagarmorðin í Texas, er látinn. Myndin var bönnuð í nokkrum löndum en hún skartaði Íslendingnum Gunnari Hansen í aðalhlutverkinu.

Hooper var 74 ára þegar hann lést, að sögn breska ríkisútvarpsins BBC. Hann komst í sviðsljósið fyrir hryllingsmyndina umdeildu árið 1974 en hann gat sér einnig gott orð fyrir „Ærsladrauginn“ [e. Poltergeist] árið 1982.

Áður hafði Hooper starfað sem háskólaprófessor og myndatökumaður í heimildamyndum áður en hann braust fram á sjónarsviðið sem leikstjóri á 8. áratugi síðustu aldar.

Gunnar lék Leðurfés, óðan fjöldamorðinga vopnaðan keðjusög, Keðjusagarmorðunum. Hann lést í nóvember árið 2015.