Renault Alaskan kemur í sölu í september

Systurbíll Nissan Navara, Renault Alaskan kemur á markað í Evrópu í þessum mánuði, en hann á flest sameiginlegt með bíl systurfyrirtækisins Nissan í formi hins vel heppnaða Nissan Navara. Renault Alaskan hefur þegar verið settur á markað í S-Ameríku í fyrra.

Renault Alaskan verður í boði með 2,3 lítra dísilvél í 160 eða 190 hestafla útgáfum. Alaskan getur borið 739 kíló og togað eitt tonn. Hann verður bæði í boði með 6 gíra beinskiptingu eða 7 gíra sjálfskiptingu. Fá má bílinn bæði framhjóladrifinn eða fjórhjóladrifinn og einnig með lágu drifi. Hann mun því geta keppt við Toyota Hilux, Volkswagen Amarok og Ford Ranger bílana.

Minni pallbílamarkaðurinn í Evrópu óx um heil 25% í fyrra og hefur enn vaxið um 19% það sem af er þessu ári, svo segja má að Alaskan komi nú inn á réttum tíma fyrir væna sölu. Renault er með meira en 9.000 söluútibú í Evrópu og það ætti að auðvelda Renault að selja vel af pallbílnum. Renault Alaskan er smíðaður í Mexíkó og í tveimur verksmiðjum Renault á Spaní, í Barcelona og Cordoba. Ekki kemur fram hvað Alaskan mun kosta.