United hefur Íslandsflug í vor

Bandaríska flugfélagið United Airlines mun hefja áætlunarferðir á milli New York og Keflavíkur í vor. Fjögur flugfélög bjóða nú upp á beint flug milli New York og Keflavíkurflugvallar.

Auk United flýgur bandaríska flugfélagið Delta, ásamt íslensku flugfélögunum Icelandair og WOW air, til New York.

Á vef Túrista segir að jómfrúarferð United til Íslands sé á dagskrá í lok maí og ætlunin sé að starfrækja flugleiðina fram í byrjun október.

Þar kemur einnig fram að ódýrasti farmiðinn með United, frá Íslandi, kosti í dag um 37 þúsund krónur samkvæmt bókunarvél félagsins.