Blaksambandið fékk fjórar milljónir í viðbótarstyrk

Blaksamband Íslands fékk viðbótarstyrkveitingu úr Afrekssjóði ÍSÍ í dag vegna landsliðsverkefna ársins 2017.

Viðbótarstyrkurinn er upp á 4 milljónir króna, en fyrir hafði sambandið fengið 4,4 milljónir í fyrri úthlutun ársins.

Landsliðsstarf Blaksambands Íslands hefur aldrei verið meira en á síðast liðnum 12 mánuðum. 12 landslið fóru til keppni í 20 mótum.

Bæði karla- og kvennalandsliðin tóku þátt í annari umferð undankeppni Heimsmeistaramótsins, en aldrei hafa liðin náð eins langt í keppninni.