Keita verður ekki seldur til Liverpool í janúar

Forráðamenn þýska liðsins RB Leipzig hafa útilokað að félagið selji Naby Keita til Liverpool í janúar.

Þegar er samkomulag á milli félaganna um að Liverpool kaupi leikmanninn næsta sumar en orðrómur hefur verið um að Liverpool sé að reyna að fá hann strax í janúar.

„Það skiptir engu máli þó svo við komumst ekki upp úr riðlakeppni Meistaradeildarinnar. Það er bara ekkert vit í því að láta hann fara frá okkur svona snemma,“ sagði Ralf Rangnick, íþróttastjóri félagsins.

„Við viljum komast í Evrópukeppni að ári og við þurfum hans hjálp til þess að ná því takmarki.“