Þáttastjórnandi NBC dásamar jeppa björgunarsveitanna

Ísland verður í brennidepli í næsta þætti /Drive, sem sýndur verður á NBC Sports á fimmtudaginn.

Þátturinn hóf göngu sína á Youtube og er nú um að ræða eina vinsælustu bílarásina á myndbandaveitunni. /Drive er í dag með rúmlega 1,8 milljón fylgjendur en alls hefur verið horft rúmlega 300 milljón sinnum á myndbönd rásarinnar.

Hér að neðan má sjá brot úr þættinum á fimmtudaginn þar sem jeppar björgunarsveitanna eru dásamaðir. Einn af stjórnendum þáttarins, Chris Harris, segir þá til að mynda vera í „fullkomnum hlutföllum“ og á vart orð yfir það hversu lítill þrýstingur er í dekkjunum.

Ljóst er að áhorfendur þáttanna geta hugsað sér gott til glóðarinnar ef marka má kitlu þáttarins.

Hér að neðan er stiklað á mjög stóru í Íslandsheimsókn /Drive og má meðal annars sjá þáttastjórnendur bruna á glæsikerrum og mjakast þunglamalega yfir íslenska hálendið.