Á þriðja tug lögreglumanna slösuðust í átökum í Brussel

Á þriðja tug lögreglumanna slösuðust í Brussel þegar til átaka kom í kjölfar sigurs Marokkó á liði Fílabeinsstrandarinnar í fótbolta. Óeirðir brutust út í kjölfar mikilla fagnaðarláta en með sigrinum varð ljóst að Marokkó tekur þátt í heimsmeistaramótinu í fótbolta á næsta ári.

Stuðningsmenn liðsins flykktust út á götur borgarinnar og kveiktu í að minnsta kosti einum bíl, brutu glugga og rændu verslanir. Um fjögur prósent íbúa borgarinnar koma frá Marokkó.

Can't stop this. #Hofplein pic.twitter.com/7a0a0vTgJk

— Lotfi El Hamidi (@Lotfi_Hamid) November 11, 2017

Lögreglan beitti háþrýstidælum á um 300 manns sem köstuðu grjóti. Einnig kom til átaka hjá stuðningsmönnum liðsins í Hollandi. Lögreglan í Haag greindi frá því að einhverjir hefðu kastað hlutum í lögreglu á meðan stuðningsmenn liðsins í Rotterdam kveiktu á blysum í fánalitum landsins.

Í Marokkó fögnuðu þúsundir á götum Marrakesh, Casablanca og í öðrum borgum landsins.

Riot squad in #Brussels ! pic.twitter.com/7Hy2QLltgS

— Bekah Molony (@BekahMolony_) November 11, 2017