Mitsubishi næst stærsta vörumerkið

Ekkert lát er á stórsókn Mitsubishi á íslenska bílamarkaðnum, en frá því að Hekla hóf að bjóða Íslendingum þessar frábæru japönsku bifreiðar á 100 ára afmælistilboði hefur ekkert lát orðið á vinsældum merkisins. Bara í þessum mánuði er Mitsubishi orðið næst stærsta vörumerkið á Íslandi, en 14,6% bíla sem seldir hafa verið í mánuðinum bera hið klassíska Mitsubishi merki. 

Átján Mitsubishi bílar seldust fyrri hluta nóvembermánaðar 2016 en á sama tíma í ár eru bílarnir orðnir 91 og stefnir í hreint og klárt sölumet áður en langt um líður. Ekkert annað bílamerki á íslenska markaðnum bætti við jafn mörgum kaupendum, sem segir alla söguna um þær miklu vinsældir sem vörumerkið nýtur sín á Íslandi.

Sömu sögu er að segja af vistvæna markaðnum en þar er það Mitsubishi Outlander sem trónir á toppi listans og 508 hafa verið seldir það sem af er árs en Hekla hefur lagt mikla áherslu á vistvæna markaðinn og ekkert bílaumboð hefur jafn mörg vörumerki upp á bjóða eða fjölbreyttari línu.

„Við erum himinlifandi yfir viðtökunum og viðbrögð Íslendinga við 100 ára afmælistilboðinu hafa verið ótrúleg. Kaupendur hafa verið duglegir að láta í sér heyra og spara hvergi lofið yfir nýju bílunum. Þegar staðan er svona getum við ekki annað en þakkað fyrir og haldið áfram á sömu braut,“ segir María Jóna Magnúsdóttir, framkvæmdastjóri sölusviðs Heklu.