Tröllin Ūgh og Bõögâr sitja föst í Kærleikskúlunni Sunna Kristín Hilmarsdóttir skrifar 6. desember 2017 11:45 Listamaðurinn Egill Sæbjörnsson sem hannaði Kærleikskúluna í ár. Kærleikskúla ársins var afhent á Kjarvalsstöðum í morgun en handhafi hennar í ár er Mannréttindskrifstofa Reykjavíkurborgar. Listamaðurinn Egill Sæbjörnsson hannar Kærleikskúluna að þessu sinni í samvinnu við ímyndaða vini sína, tröllin Ūgh og Bõögâr. Í tilkynningu frá Styrktarfélagi lamaðra og fatlaðra sem gefa Kærleikskúluna út kemur fram að þetta sé í fimmtánda sinn sem kúlan er gefin út þar sem fyrsta Kærleikskúlan leit dagsins ljós árið 2003. Allur ágóði af sölunni rennur til sumar- og helgarbúða fyrir fötluð börn og ungmenni í Reykjadal. Um aðkomu tröllanna að hönnun kúlunnar segir Egill að þau hafi verið mjög áhugasöm um að aðstoða hann. Tröllin hafi helst viljað gera kúlurnar sjálf.Bryndís Snæbjörnsdóttir, formaður Þroskahjálpar, og Anna Kristinsdóttir, mannréttindastjóri Reykjavíkurborgar, þegar Kærleikskúlan var afhent í morgun.vísir/stefán„Þeir sögðu að þeir væru miklu betri í þessu en ég. Þeir urðu æstir og rifust síðan svo mikið um hvað ætti að vera á kúlunum að þeir festust inn í þeim,“ er haft eftir Agli í tilkynningu. Hann segir að það sé best að fara varlega með kúlurnar og passa að þær brotni ekki. „Þá gætu þessi gráðugu tröll sloppið út og kannski eyðilagt jólin fyrir manni.“ Egill var fulltrúi Íslands á Feneyjartvíæringnum í ár en eins og einvherjir muna eflaust voru tröllin Ūgh og Bõögâr þar í aðalhlutverki. Handahafi Kærleikskúlunnar fær hana í viðurkenningarskyni fyrir störf í þágu fatlaðs fólks. Eins og áður segir hefur stjórn Styrktarfélagsins ákveðið að veita Mannréttindaskrifstofu Reykjavíkurborgar kúluna í ár. Er það gert vegna samkomulags sem skrifstofan gerði við Landssamtökin Þroskahjálp vegna notendaráðs fatlaðs fólks. „Það er mat stjórnarinnar að Mannréttindaskrifstofan hafi með samningnum sýnt mikilsverðan skilning og vilja til þess að tryggja að raddir fólks með þroskahömlun heyrist og að það fái þannig raunverulegt tækifæri til að taka þátt í að móta samfélagið,“ segir í tilkynningu Styrktarfélagsins. Jól Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Kærleikskúla ársins var afhent á Kjarvalsstöðum í morgun en handhafi hennar í ár er Mannréttindskrifstofa Reykjavíkurborgar. Listamaðurinn Egill Sæbjörnsson hannar Kærleikskúluna að þessu sinni í samvinnu við ímyndaða vini sína, tröllin Ūgh og Bõögâr. Í tilkynningu frá Styrktarfélagi lamaðra og fatlaðra sem gefa Kærleikskúluna út kemur fram að þetta sé í fimmtánda sinn sem kúlan er gefin út þar sem fyrsta Kærleikskúlan leit dagsins ljós árið 2003. Allur ágóði af sölunni rennur til sumar- og helgarbúða fyrir fötluð börn og ungmenni í Reykjadal. Um aðkomu tröllanna að hönnun kúlunnar segir Egill að þau hafi verið mjög áhugasöm um að aðstoða hann. Tröllin hafi helst viljað gera kúlurnar sjálf.Bryndís Snæbjörnsdóttir, formaður Þroskahjálpar, og Anna Kristinsdóttir, mannréttindastjóri Reykjavíkurborgar, þegar Kærleikskúlan var afhent í morgun.vísir/stefán„Þeir sögðu að þeir væru miklu betri í þessu en ég. Þeir urðu æstir og rifust síðan svo mikið um hvað ætti að vera á kúlunum að þeir festust inn í þeim,“ er haft eftir Agli í tilkynningu. Hann segir að það sé best að fara varlega með kúlurnar og passa að þær brotni ekki. „Þá gætu þessi gráðugu tröll sloppið út og kannski eyðilagt jólin fyrir manni.“ Egill var fulltrúi Íslands á Feneyjartvíæringnum í ár en eins og einvherjir muna eflaust voru tröllin Ūgh og Bõögâr þar í aðalhlutverki. Handahafi Kærleikskúlunnar fær hana í viðurkenningarskyni fyrir störf í þágu fatlaðs fólks. Eins og áður segir hefur stjórn Styrktarfélagsins ákveðið að veita Mannréttindaskrifstofu Reykjavíkurborgar kúluna í ár. Er það gert vegna samkomulags sem skrifstofan gerði við Landssamtökin Þroskahjálp vegna notendaráðs fatlaðs fólks. „Það er mat stjórnarinnar að Mannréttindaskrifstofan hafi með samningnum sýnt mikilsverðan skilning og vilja til þess að tryggja að raddir fólks með þroskahömlun heyrist og að það fái þannig raunverulegt tækifæri til að taka þátt í að móta samfélagið,“ segir í tilkynningu Styrktarfélagsins.
Jól Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira