Kalla inn Ruker pálmaolíu

Heilbrigðiseftirlit Reykjavíkur hefur innkallað Ruker pálmaolíu eftir að óleyfilegt litarefni fannst í vörunni. Efnið fannst við eftirlit í Hollandi en litarefnið sem um ræðir er súdan 4.

Í tilkynningu frá Reykjavíkurborg segir að Lagsmaður ehf. sé innflytjandi vörunnar en þar segir ennfremur að eftirfarandi upplýsingar auðkenni vöruna sem innköllunin einskorðast við:

„Vörumerki:  Ruker Ventures.

Vöruheiti:  Edible Palm Oil.

Strikanúmer:  6034000006193.

Lotunúmer:  31.12.2019.

Nettómagn:  1 l.

Framleiðandi: Ruker Ventures Limited.

Framleiðsluland:  Gana.

Innflytjandi: Lagsmaður ehf. (Fiska.is), Brekkuhúsum 1, 112 Reykjavík.

Dreifing:  Verslanir Fiska.is Nýbýlavegi og Kolaportinu.

Viðskiptavinum sem hafa keypt vöruna er bent á að neyta hennar ekki og farga eða skila henni til Fiska.is, Nýbýlavegi 14 í Kópavogi , eða í sölubás Fiska.is í Kolaportinu.  Nánari upplýsingar veitir Fiska.is í síma 571 5518,“ segir í frétt á vef borgarinnar.