Linda og Elmar sungu Ferðalok í sjónvarpsviðtali við króatíska sjónvarpsstöð

Elmar Björgvin Skúlason og Linda Björk Pétursdóttir eru grjótharðir stuðningsmenn íslenska landsliðsins og eru þau mætt út til Króatíu til að fylgja eftir íslenska handboltalandsliðinu á EM.

Hjónin skelltu sér í viðtal á króatísku sjónvarpsstöðinni Nova TV í gærkvöldi og tóku lagið Ferðalok fyrir leik íslenska liðsins gegn því króatíska í gærkvöldi. 

Liðið tapaði leiknum illa en Ísland vann aftur á móti Svía í fyrstu umferð.

Það er greinilega mikið stuð úti og Linda og Elmar frábærir stuðningsmenn. Ísland mætir Serbíu í lokaleik liðsins í riðlakeppninni á morgun og þarf liðið stig til að komast áfram.