Ósáttur við partýhávaða og greip til eigin ráða

Karlmaður var handtekinn í Grafarvogi í nótt grunaður um líkamsárás og eignaspjöll.

Mun hann hafa verið ósáttur með mikinn samkvæmishávaða í íbúð auk láta sem eiga að hafa fylgt samkvæminu. Veittist hann að gestum og skemmdi bifreið.

Var maðurinn handtekinn um eittleytið í nótt að því er fram kemur í dagbók lögreglu.

Nóttin virðist að öðru leyti hafa verið róleg hjá lögreglunni á höfuðborgarsvæðinu. Var einn karlmaður handtekinn grunaður um þjófnað auk þess sem að nokkrir ökumenn voru teknir grunaðir um akstur undir áhrifum fíkniefna eða áfengis.