Wendy Williams opnar sig um Graves sjúkdóminn

Spjallþáttadrottningin Wendy Williams opnaði sig um Graves sjúkdóminn í bandaríska þættinum Good Morning America eftir að hafa þurft að taka sér hlé frá störfum til að hlúa að heilsunni.

Hún er með ofvirkan skjaldkirtil og Graves sjúkdóminn. Hún er þáttastjórnandi þáttanna Wendy en hún fær til sín störnur úr skemmtanageiranum auk þess sem hún slúðrar með áhorfendum sínum. 

Eftir nauðsynlega pásu snýr Williams aftur á skjáinn en í þetta skiptið segir hún að heilsa sín sé algjört forgangsatriði og að hún ætli sér ekki að leyfa vinnunni að ná yfirhöndinni

„Við sem konur, sérstaklega ef við eigum fjölskyldu, sjáum um börnin, heimilið og eiginmennina. Við hugsum um alla aðra en okkur sjálfar,“ segir Wendy.

Að því er virðist, segir Wendy, tengist þetta alhliða vinnuálag ekki félagshagfræðilegri stöðu konunnar. „Alveg sama hvaða stöðu konan gegnir. Við erum allar á sama báti,“ segir Williams sem þvertekur fyrir að láta þetta yfir sig ganga því nú sé heilsan í fyrirrúmi. „Wendy í fyrsta sæti,“ segir hún staðföst.

Í samtali við tímaritið People segir Williams frá því þegar hún var fyrst greind með Graves sjúkdóminn, sjálfsofnæmissjúkdóm sem hefur áhrif á skjaldkirtilinn. Hún fékk greininguna fyrir nítján árum og hún segist líða mun betur eftir að hafa tekið hlé frá störfum til að hlúa betur að sér og heilsunni. 

„Mér líður hundrað sinnum betur en mér leið fyrir fáeinum mánuðum. Það var sem stormur færi í gegnum líkamann minn. Það fær best lýst ástandi mínu,“ segir Williams

„Ástandið varð eins slæmt og raun bar vitni því í hálft ár hafði ég hafði látið það sitja á hakanum að hitta innkirtlasérfræðinginn minn,“ segir Williams sem tók viðskiptafund fram yfir læknisheimsóknina.

Williams hefur sagt frá því í þætti sínum að hún gengur um dags daglega með hárkollu því röskunin á virkni skjaldkirtilsins veldur hárlosi.