Talið að flestir hinna látnu séu börn

Að minnsta kosti 53 létust í eldsvoða í rússneskri verlunarmiðstöð sem brann í síberísku kolanámuborginni Kemerovo í gær. Talið er að flestir hinna látnu, eða alls 41, hafi verið börn og meira en tíu manns er saknað.

Eldsvoðinn kom upp í þeim hluta verslunarmiðstöðinni þar sem er meðal annars kvikmyndahús og keilusalur. Mörg barnanna sem talið er að hafi látist í eldsvoðanum voru stödd í kvikmyndahúsinu en talið er að þakið hafi hrunið í tveimur bíósölum.

Eldsupptök eru ókunn og eru nú til rannsóknar. Eldurinn breiddist afar hratt út og tók það rúmlega 660 slökkviliðsmenn um 17 klukkustundir að ráða niðurlögum hans.