Stútfullt og stemning á forsýningu Vítis í Vestmannaeyjum

Kvikmyndin Víti í Vestmannaeyjum, eftir samnefndri bók Gunnars Helgasonar, var forsýnd í gær við góðar viðtökur.

Mikið fjölmenni mætti til að gleðjast með leikstjóranum sem og að sjá dýrðina á hvíta tjaldinu.

Frægir foreldrar kíktu við með börnunum sínum og gengu glaðir út í kvöldið eftir kraftmikla sýningu.

Víti í Vestmannaeyjum er fjölskyldumynd með vísun í sannsögulega atburði. Myndin er byggð á fyrstu bókinni í vinsælum barnabókaflokki eftir Gunnar Helgason sem notið hefur mikilla vinsælda.

Síðasta bókin af fjórum kom út árið 2014 en Bragi Þór Hinriksson, sem leikstýrði Sveppamyndunum, leikstýrir myndinni.