Klassík sem endist

Ritstjórn skrifar 30. mars 2018 20:00

Við erum alltaf að leitast eftir því að gera sem bestu kaup, einhverja flík sem endist okkur lengur en eitt ár. Leðurkápan er gott dæmi um þessa flík, en hana er hægt að nota næstu ár.

Heitasta flíkin um þessar mundir er leðurkápan. Þetta er flík sem mun endast þér í mörg ár og verður hún bara flottari með árunum. Hvít prjónapeysa og gallabuxur í stíl er síðan gríðarlega skothelt, og er þá dress komið sem hentar fyrir margar árstíðir.

Kate Moss hefur átt margar leðurkápur í gegnum tíðina, og endast þær allar jafn vel. Svartur og brúnn eru auðvitað klassískustu litirnir, en þó eru margar skemmtilegar til í öðrum litum.