Gylfi Magnússon nýr formaður bankaráðs Seðlabankans

Bankaráð Seðlabanka Íslands hefur kosið Gylfa Magnússon, dósent í viðskiptafræði og fyrrverandi efnahags-og viðskiptaráðherra, sem formann bankaráðs.

Þetta kemur fram í tilkynningu frá bankanum en ráðið hefur jafnframt kosið Þórunni Guðmundsdóttur, hæstaréttarlögmann, varaformann.

Aðrir sem sæti eiga í ráðinu eru þau Sigurður Kári Kristjánsson, Frosti Sigurjónsson, Bolli Héðinsson, Una Marín Óskarsdóttir og Jacqueline Clare Mallet.

Þá eru varafulltrúar í ráðinu þau Þórlindur Kjartansson, Jóhanna Vigdís Guðmundsdóttir, Hildur Traustadóttir, Vilborg Hansen, Kristín Thoroddsen, Ólafur Margeirsson og Bára Valdís Ármannsdóttir.