Vieira svekktur út í Arsenal

Það bendir fátt til þess að Patrick Vieira verði arftaki Arsene Wenger hjá Arsenal og hann er svekktur með að koma ekki almennilega til greina í starfið.

Arsenal hafði samband við Vieira út af starfinu en þjálfarinn segir að símtalið hafi verið kurteisissímtal. Hann komi ekki raunverulega til greina.

Vieira spilaði 406 leiki fyrir Arsenal á sínum tíma og var lengi fyrirliði liðsins. Hann þjálfar nú New York City FC og er að gera góða hluti.

Luis Enrique, fyrrum þjálfari Barcelona, hefur áhuga á starfinu en er sagður vera of dýr.

Mikel Arteta, fyrrum leikmaður Arsenal, er nú sagður vera efstur á óskalista Arsenal en hann er að aðstoða Pep Guardiola hjá Man. City í dag.