Segjast eiga í ástarsambandi en aðdáendur eru ekki sannfærðir

Rapparinn Nicki Minaj kom aðdáendum sínum rækilega á óvart á dögunum þegar hún sagðist eiga í ástarsambandi með rapparanum Eminem. Það er þó óvíst hvort hún hafi sagt „já“ í gríni eða alvöru.

Einn aðdáenda Minaj spurði hana á samskiptamiðlinum Instagram hvort þau væru að hittast. Hann hefur áreiðanlega ekki búist við því að stórstjarnan svaraði en það gerði hún engu að síður með stuttu og laggóðu svari: „Já.“Skömmu síðar fylgdi Eminem svarinu eftir og skrifaði „Elskan, þú veist að þetta er rétt.“

Aðdáendur eru langt frá því að vera sannfærðir og blaðamenn E online bíða svara frá fjölmiðlafulltrúum Eminem og Minaj. Rappararnir hafa áður unnið saman þegar þau gáfu út lagið Roman‘s Revenge.

Ný plata frá Nicki Minaj er væntanleg í haust, 10 ágúst.