Aron Can er einn þeirra sem koma fram í kvöld.Vísir/ernir
Það verður þétt dagskrá á fimm sviðum á tónlistarhátíðinni Secret Solstice í dag. Fyrsta atriðið fer á svið núna klukkan 13 og verður boðið upp á fjölbreytt úrval flytjenda fram yfir miðnætti í kvöld.
Leikur Íslands og Nígeríu á HM verður auðvitað sýndur á stórum skjá klukkan þrjú. Á stærsta sviðinu koma meðal annars fram Flóni, Aron Can, Gísli Pálmi, IAMDDB, Goldlink og Gucci Mane.
Um 500 manns, þar af 50-100 sjálfboðaliðar, koma að undirbúningi hátíðarinnar með einum eða öðrum hætti, að sögn Jóns. Mikil spenna ríkir í undirbúningshópnum og þá má ætla að gestir hátíðarinnar séu einnig spenntir, nú þegar herlegheitin eru rétt handan við hornið.
