Neil Young og Daryl Hannah komin í hnapphelduna

Kanadíska söngvaskáldið Neil Young og bandaríska leikkonan Daryl Hannah eru sögð hafa gift sig í Kaliforníu um helgina. Þau hafa verið saman undanfarin fjögur ár allt frá því að Young skildi við eiginkonu sína til 36 ára.

The Guardian segir að gítarleikarinnar Mark Miller og stjórnandi bloggsíðu Young hafi óskað parinu til hamingju með brúðkaupið á samfélagsmiðlum. Þau hafi gift sig á snekkju Young  í Atascadero í Kaliforníu.

Young kom fram í kvikmyndinni Paradox sem Hannah leikstýrði og kom út á Netflix fyrr á þessu ári.