Íhugaði að skilja verðlaunagripinn eftir á hótelherberginu Kristín Ólafsdóttir skrifar 31. október 2018 13:04 Auður Ava tekur við verðlaununum í óperunni í Osló í gærkvöldi. Johannes Jansson/norden.org Auður Ava Ólafsdóttir rithöfundur segir bókmenntaverðlaun Norðurlandaráðs, sem hún hlaut í gærkvöldi í Osló, eina stærstu viðurkenningu sem hún hefur fengið á ferlinum. Auður Ava fagnaði sigrinum fram á nótt í gær en stefnan er nú tekin heim til Íslands að kynna nýja skáldsögu sem kemur út í næstu viku. Íslendingar voru afar sigursælir á þingi Norðurlandaráðs í gær. Auður Ava hlaut bókmenntaverðlaun ráðsins fyrir skáldsögu sína Ör og þá hreppti Kona fer í stríð, kvikmynd Benedikts Erlingssonar, kvikmyndaverðlaun Norðurlandaráðs. Auður Ava var stödd á flugvellinum í Osló, að bíða eftir flugi heim, þegar blaðamaður náði tali af henni í dag. Hún er afar ánægð með verðlaunin en segist ekki endilega vön sigurtilfinningunni. „Þetta er mikill heiður og miklu meira gert með þetta á Norðurlöndunum en heima. Þetta er skemmtilegt en að sama skapi erum við rithöfundar ekkert endilega sérstaklega sviðsvænir eða sjónvarpsvænir, og oftast þegar maður er tilnefndur er maður miklu vanari að fá ekki eitthvað og er bara heima í náttfötunum í sófanum.“Skáldkonu boðið að taka þátt í Ungfrú Ísland Auður Ava er á mála hjá Benedikt bókaútgáfu, tiltölulega litlu og nýstofnuðu forlagi Guðrúnar Vilmundardóttur, og vill verðlaunahafinn koma á framfæri þakklæti til smærri forlaga sem taka sénsinn. „Maður er alltaf að reyna að hjálpa þeim sem eru að taka áhættu og gefa mann út, og aðra fagurbókahöfunda sem eru ekki endilega bestsellers. Það er miklu erfiðara en margir halda heima fyrir að komast inn á Norðurlandamarkaðinn, það er miklu meiri áhugi á íslenskum bókmenntum í Mið- og Suður-Evrópu.“Höfundarnir sem tilnefndir voru til bókmenntaverðlaunanna standa hér á sviðinu í óperunni í Osló.Johannes Jansson/norden.orgAuður Ava hlaut verðlaunin fyrir skáldsögu sína Ör sem var gefin út á Íslandi fyrir tveimur árum en er tiltölulega nýkomin út á öðrum Norðurlöndum. Í næstu viku kemur svo út ný skáldsaga Auðar Övu, Ungfrú Ísland, sem gerist árið 1963 og fjallar um unga skáldkonu sem boðið er að taka þátt í fegurðarsamkeppni. Þegar heim er komið tekur því við kynningarferðalag vegna nýju bókarinnar. „Það sem tekur við er að ég er með nýja bók sem er að koma út í næstu viku, og sný mér að henni og mínu venjulega lífi heima. Ég ætla í ferðalag með þremur vinum mínum, rithöfundum, og við erum öll með bækur sem við ætlum að lesa upp úr í Norðvesturkjördæmi.“Verðlaunagripurinn of þungur í handfarangur Auður Ava segir aðspurð að bókmenntaverðlaun Norðurlandaráðs séu stærstu verðlaun sem hún hefur hlotið á ferlinum. Hún segist jafnframt hafa náð að fagna fram á nótt í Osló í gær en nú stefnir íslenski hópurinn heim, hlaðinn verðlaunum. Sjálf hlaut Auður Ava peningaverðlaun, sem telja 350 þúsund danskar krónur eða um 6 milljónir íslenskra króna, og íburðarmikinn verðlaunagrip. „Já, ég ferðast nú alltaf létt, með næstum ekki neitt, þannig að ég lenti í smá vanda. Verðlaunagripurinn er svo þungur, örugglega hátt í tvö kíló, úr gleri og oddhvass, svo ég var að velta því fyrir mér hvort ég ætti að skilja hann eftir á hótelherberginu. En ég fékk að stinga honum í töskuna hjá öðrum sem var að fara heim.“ Bókmenntir Menning Tengdar fréttir Auður Ava hlýtur Bókmenntaverðlaun Norðurlandaráðs Auður Ava hlýtur verðlaunin fyrir verk, sem að mati dómnefndar, einkennist af útsmognum húmor og leiftrandi fjörugu tungumáli en spyr jafnframt spurninga um lífið og dauðann. 30. október 2018 20:05 Kona fer í stríð hlýtur Kvikmyndaverðlaun Norðurlandaráðs Kvikmyndin hlaut verðlaunin fyrir leiftrandi skemmtilega meðferð á hápólitísku viðfangsefni. 30. október 2018 19:11 Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Auður Ava Ólafsdóttir rithöfundur segir bókmenntaverðlaun Norðurlandaráðs, sem hún hlaut í gærkvöldi í Osló, eina stærstu viðurkenningu sem hún hefur fengið á ferlinum. Auður Ava fagnaði sigrinum fram á nótt í gær en stefnan er nú tekin heim til Íslands að kynna nýja skáldsögu sem kemur út í næstu viku. Íslendingar voru afar sigursælir á þingi Norðurlandaráðs í gær. Auður Ava hlaut bókmenntaverðlaun ráðsins fyrir skáldsögu sína Ör og þá hreppti Kona fer í stríð, kvikmynd Benedikts Erlingssonar, kvikmyndaverðlaun Norðurlandaráðs. Auður Ava var stödd á flugvellinum í Osló, að bíða eftir flugi heim, þegar blaðamaður náði tali af henni í dag. Hún er afar ánægð með verðlaunin en segist ekki endilega vön sigurtilfinningunni. „Þetta er mikill heiður og miklu meira gert með þetta á Norðurlöndunum en heima. Þetta er skemmtilegt en að sama skapi erum við rithöfundar ekkert endilega sérstaklega sviðsvænir eða sjónvarpsvænir, og oftast þegar maður er tilnefndur er maður miklu vanari að fá ekki eitthvað og er bara heima í náttfötunum í sófanum.“Skáldkonu boðið að taka þátt í Ungfrú Ísland Auður Ava er á mála hjá Benedikt bókaútgáfu, tiltölulega litlu og nýstofnuðu forlagi Guðrúnar Vilmundardóttur, og vill verðlaunahafinn koma á framfæri þakklæti til smærri forlaga sem taka sénsinn. „Maður er alltaf að reyna að hjálpa þeim sem eru að taka áhættu og gefa mann út, og aðra fagurbókahöfunda sem eru ekki endilega bestsellers. Það er miklu erfiðara en margir halda heima fyrir að komast inn á Norðurlandamarkaðinn, það er miklu meiri áhugi á íslenskum bókmenntum í Mið- og Suður-Evrópu.“Höfundarnir sem tilnefndir voru til bókmenntaverðlaunanna standa hér á sviðinu í óperunni í Osló.Johannes Jansson/norden.orgAuður Ava hlaut verðlaunin fyrir skáldsögu sína Ör sem var gefin út á Íslandi fyrir tveimur árum en er tiltölulega nýkomin út á öðrum Norðurlöndum. Í næstu viku kemur svo út ný skáldsaga Auðar Övu, Ungfrú Ísland, sem gerist árið 1963 og fjallar um unga skáldkonu sem boðið er að taka þátt í fegurðarsamkeppni. Þegar heim er komið tekur því við kynningarferðalag vegna nýju bókarinnar. „Það sem tekur við er að ég er með nýja bók sem er að koma út í næstu viku, og sný mér að henni og mínu venjulega lífi heima. Ég ætla í ferðalag með þremur vinum mínum, rithöfundum, og við erum öll með bækur sem við ætlum að lesa upp úr í Norðvesturkjördæmi.“Verðlaunagripurinn of þungur í handfarangur Auður Ava segir aðspurð að bókmenntaverðlaun Norðurlandaráðs séu stærstu verðlaun sem hún hefur hlotið á ferlinum. Hún segist jafnframt hafa náð að fagna fram á nótt í Osló í gær en nú stefnir íslenski hópurinn heim, hlaðinn verðlaunum. Sjálf hlaut Auður Ava peningaverðlaun, sem telja 350 þúsund danskar krónur eða um 6 milljónir íslenskra króna, og íburðarmikinn verðlaunagrip. „Já, ég ferðast nú alltaf létt, með næstum ekki neitt, þannig að ég lenti í smá vanda. Verðlaunagripurinn er svo þungur, örugglega hátt í tvö kíló, úr gleri og oddhvass, svo ég var að velta því fyrir mér hvort ég ætti að skilja hann eftir á hótelherberginu. En ég fékk að stinga honum í töskuna hjá öðrum sem var að fara heim.“
Bókmenntir Menning Tengdar fréttir Auður Ava hlýtur Bókmenntaverðlaun Norðurlandaráðs Auður Ava hlýtur verðlaunin fyrir verk, sem að mati dómnefndar, einkennist af útsmognum húmor og leiftrandi fjörugu tungumáli en spyr jafnframt spurninga um lífið og dauðann. 30. október 2018 20:05 Kona fer í stríð hlýtur Kvikmyndaverðlaun Norðurlandaráðs Kvikmyndin hlaut verðlaunin fyrir leiftrandi skemmtilega meðferð á hápólitísku viðfangsefni. 30. október 2018 19:11 Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Auður Ava hlýtur Bókmenntaverðlaun Norðurlandaráðs Auður Ava hlýtur verðlaunin fyrir verk, sem að mati dómnefndar, einkennist af útsmognum húmor og leiftrandi fjörugu tungumáli en spyr jafnframt spurninga um lífið og dauðann. 30. október 2018 20:05
Kona fer í stríð hlýtur Kvikmyndaverðlaun Norðurlandaráðs Kvikmyndin hlaut verðlaunin fyrir leiftrandi skemmtilega meðferð á hápólitísku viðfangsefni. 30. október 2018 19:11