Enski boltinn

Gordon Banks látinn | Sjáðu goðsagnakenndu tilþrifin hans

Henry Birgir Gunnarsson skrifar
Banks er hér að verja skalla frá Pelé árið 1970. Margir segja enn í dag að þetta sé besta markvarsla allra tíma.
Banks er hér að verja skalla frá Pelé árið 1970. Margir segja enn í dag að þetta sé besta markvarsla allra tíma. vísir/getty
Enska markvarðargoðsögnin Gordon Banks lést í morgun. Banks var 81 árs gamall. Hann var lengi markvörður enska landsliðsins og stóð á milli stanganna er England vann HM árið 1966.

Hans verður þó lengi minnst fyrir ótrúlega markvörslu gegn Brasilíumanninum Pelé á HM árið 1970. Enn í dag er almennt talað um þetta sem eina bestu vörslu í sögunni en hana má sjá hér að neðan.





Banks var einn besti markvörður heims og sannaði það heldur betur með þessari markvörslu. Hann var valinn næstbesti markvörður 20. aldarinnar á eftir Rússanum Lev Yashin.

Hann spilaði 73 landsleiki fyrir England og spilaði lengst af á sínum ferli með Leicester og Stoke City.

Atvinnumannaferillinn hófst árið 1958 og hann lagði hanskana svo á hilluna árið 1978.

Andlát Bretland Enski boltinn

Mest lesið


Fleiri fréttir

Sjá meira


×

Mest lesið