Ísland ekki rústir einar eftir ferðamenn Birgir Olgeirsson skrifar 21. febrúar 2019 13:43 Tvær milljónir erlendra ferðamanna komu til Íslands í fyrra. Vísir/Vilhelm Ísland er ekki rústir einar líkt og skilja má á viðbrögðum fólks við frétt þess efnis að Færeyingar ætli að loka eyjunum sínum vegna viðhalds eina helgi í apríl næstkomandi. Sagt var frá þessu uppátæki Færeyinga í morgun sem ætla að loka landinu fyrir ferðamönnum þessa einu helgi á meðan unnið verður að úrbætum á vinsælustu ferðamannastöðum eyjanna. Hafa Færeyingar hins vegar boðið 100 erlendum sjálfboðaliðum að koma til Færeyja og hjálpa til við lagfæringarnar gegn gistingu.Breska dagblaðið The Guardian sagði frá þessu átaki Færeyinga en þar kom fram að frændur okkar í Atlantshafi vildu ekki lenda í sama vandamáli og Íslendingar þegar kemur að ágangi ferðamanna á náttúruperlur landsins. Erlendum ferðamönnum hefur fjölgað um tíu prósent árlega síðastliðin fimm ár í Færeyjum og komu um 60 þúsund slíkir þangað í fyrra. Um tvær milljónir erlendra ferðamanna sóttu Ísland heim í fyrra. Viðbrögðin við þessu uppátæki Færeyinga létu ekki á sér standa hér á landi og var á það bent að Íslendingar ættu að taka Færeyinga sér til fyrirmyndar þegar kemur að ferðaþjónustu. Guðrið Hojgaard, formaður ferðamálaráðs Færeyja, sagði við fjölmiðla að stefna Færeyinga í ferðaþjónustu snúist mun fremur um að vernda náttúruperlur í stað þess að einblína á fjölda ferðamanna.Pressa á innviði landsins Jóhannes Þór Skúlason, framkvæmdastjóri Samtaka ferðaþjónustunnar, segir í samtali við Vísi að Íslendingar hafi vissulega upplifað gríðarlega ferðamannasprengju á undanförnum árum og allir hér á landi geri sér grein fyrir að það hafi sett ákveðna pressu á innviði Íslands. „Það er samt ekki þannig að landið sé í rúst eftir ferðamenn,“ segir Jóhannes Þór.Jóhannes Þór Skúlason, framkvæmdastjóri Samtaka ferðaþjónustunnar Vísir/VilhelmHann bendir á að margt hafi verið gert ansi vel hér á landi í sambandi við uppbyggingu tengda ferðaþjónustu. Um sé að ræða nokkra staði á Íslandi sem séu undir miklu álagi og nefnir þar Jökulsárlón, Þingvelli og fleiri staði á Suðurlandi sem teljast til stærstu ferðamannastaða landsins. „Það er hins vegar búið að gera ansi margt gott á mörgum þessara staða,“ segir Jóhannes Þór.Meta áhrifin á landið í heild Hjá Stjórnstöð ferðamála sé nú unnið að áhugaverðu verkefni sem miðar að því að meta efnahagsleg-, samfélagsleg- og umhverfisleg áhrif ferðaþjónustunnar á Íslandi. „Þetta verkefni er afar mikilvægt en þetta er í fyrsta sinnum sem verkefni af þessari tegund er unnið fyrir land í heilu lagi.“ Hann segir þetta átak Færeyingar afar áhugavert. „Þeir eru að vekja athygli á landinu og þetta er ekki bara til heimabrúks eins og maður segir,“ bendir Jóhannes á en þetta átak Færeyinga hefur ratað í marga fjölmiðla víða um heim.60 þúsund erlendir ferðamenn komu til Færeyja í fyrra.Vísir/Getty„Og það er bara skemmtilegt og gaman að sjá að þeir finna þennan góða flöt á þessu og út úr því kemur þá væntanlega líka að þeir fá fólk til að vinna í þessu með sér og það er bara hið besta mál.“Túristinn gert margt gott fyrir þjóðina Hann segir hugmyndina alls ekki vitlausa og mætti jafnvel útfæra hana á einhvern hátt hér á landi. „Það fer eftir því hvernig það yrði útfært og hvenær það yrði gert. Þetta er skemmtileg hugmynd. Við ættum samt að horfa líka á það að margt af því sem hefur gerst í samfélaginu hefur orðið líka vegna þess hvað ferðaþjónustan hefur sprungið mikið út. Við erum búin að snúa efnahagslífinu við á mun skemmri tíma heldur en við áttum von á á síðustu tíu árum. Það er ekki síst vegna þess að ferðamaðurinn er góður og gegn skattborgari í landinu. Hann kemur inn með mikla neyslu sem hann tekur af fyrirtækjum og leggur inn í samfélagið. Hann tekur ekki bara út.“ Ferðamennska á Íslandi Færeyjar Mest lesið Játa frelsisviptingu og rán en hafna manndrápi Innlent Yfirmaður heraflans er á móti hernámi og vill semja Erlent Betra að borga tryggingarnar en að sitja uppi með allsherjartjón Innlent Persónulegar og átakanlegar lýsingar í ævisögu Giuffre Erlent Lögregla kölluð til vegna einstaklinga sem tjölduðu í skógarrjóðri Innlent Hættir hjá borgarstjóra og aðstoðar nú ráðherra Innlent Vilhjálmur í Smáríkinu ákærður fyrir að selja eina hvítvínsbelju Innlent Hættir sem ritstjóri Kveiks Innlent Skýrslur teknar af tíu börnum undir sex ára á síðustu 20 árum Innlent Tíunda skotið klikkaði Erlent Fleiri fréttir Vilhjálmur í Smáríkinu ákærður fyrir að selja eina hvítvínsbelju Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Sjá meira
Ísland er ekki rústir einar líkt og skilja má á viðbrögðum fólks við frétt þess efnis að Færeyingar ætli að loka eyjunum sínum vegna viðhalds eina helgi í apríl næstkomandi. Sagt var frá þessu uppátæki Færeyinga í morgun sem ætla að loka landinu fyrir ferðamönnum þessa einu helgi á meðan unnið verður að úrbætum á vinsælustu ferðamannastöðum eyjanna. Hafa Færeyingar hins vegar boðið 100 erlendum sjálfboðaliðum að koma til Færeyja og hjálpa til við lagfæringarnar gegn gistingu.Breska dagblaðið The Guardian sagði frá þessu átaki Færeyinga en þar kom fram að frændur okkar í Atlantshafi vildu ekki lenda í sama vandamáli og Íslendingar þegar kemur að ágangi ferðamanna á náttúruperlur landsins. Erlendum ferðamönnum hefur fjölgað um tíu prósent árlega síðastliðin fimm ár í Færeyjum og komu um 60 þúsund slíkir þangað í fyrra. Um tvær milljónir erlendra ferðamanna sóttu Ísland heim í fyrra. Viðbrögðin við þessu uppátæki Færeyinga létu ekki á sér standa hér á landi og var á það bent að Íslendingar ættu að taka Færeyinga sér til fyrirmyndar þegar kemur að ferðaþjónustu. Guðrið Hojgaard, formaður ferðamálaráðs Færeyja, sagði við fjölmiðla að stefna Færeyinga í ferðaþjónustu snúist mun fremur um að vernda náttúruperlur í stað þess að einblína á fjölda ferðamanna.Pressa á innviði landsins Jóhannes Þór Skúlason, framkvæmdastjóri Samtaka ferðaþjónustunnar, segir í samtali við Vísi að Íslendingar hafi vissulega upplifað gríðarlega ferðamannasprengju á undanförnum árum og allir hér á landi geri sér grein fyrir að það hafi sett ákveðna pressu á innviði Íslands. „Það er samt ekki þannig að landið sé í rúst eftir ferðamenn,“ segir Jóhannes Þór.Jóhannes Þór Skúlason, framkvæmdastjóri Samtaka ferðaþjónustunnar Vísir/VilhelmHann bendir á að margt hafi verið gert ansi vel hér á landi í sambandi við uppbyggingu tengda ferðaþjónustu. Um sé að ræða nokkra staði á Íslandi sem séu undir miklu álagi og nefnir þar Jökulsárlón, Þingvelli og fleiri staði á Suðurlandi sem teljast til stærstu ferðamannastaða landsins. „Það er hins vegar búið að gera ansi margt gott á mörgum þessara staða,“ segir Jóhannes Þór.Meta áhrifin á landið í heild Hjá Stjórnstöð ferðamála sé nú unnið að áhugaverðu verkefni sem miðar að því að meta efnahagsleg-, samfélagsleg- og umhverfisleg áhrif ferðaþjónustunnar á Íslandi. „Þetta verkefni er afar mikilvægt en þetta er í fyrsta sinnum sem verkefni af þessari tegund er unnið fyrir land í heilu lagi.“ Hann segir þetta átak Færeyingar afar áhugavert. „Þeir eru að vekja athygli á landinu og þetta er ekki bara til heimabrúks eins og maður segir,“ bendir Jóhannes á en þetta átak Færeyinga hefur ratað í marga fjölmiðla víða um heim.60 þúsund erlendir ferðamenn komu til Færeyja í fyrra.Vísir/Getty„Og það er bara skemmtilegt og gaman að sjá að þeir finna þennan góða flöt á þessu og út úr því kemur þá væntanlega líka að þeir fá fólk til að vinna í þessu með sér og það er bara hið besta mál.“Túristinn gert margt gott fyrir þjóðina Hann segir hugmyndina alls ekki vitlausa og mætti jafnvel útfæra hana á einhvern hátt hér á landi. „Það fer eftir því hvernig það yrði útfært og hvenær það yrði gert. Þetta er skemmtileg hugmynd. Við ættum samt að horfa líka á það að margt af því sem hefur gerst í samfélaginu hefur orðið líka vegna þess hvað ferðaþjónustan hefur sprungið mikið út. Við erum búin að snúa efnahagslífinu við á mun skemmri tíma heldur en við áttum von á á síðustu tíu árum. Það er ekki síst vegna þess að ferðamaðurinn er góður og gegn skattborgari í landinu. Hann kemur inn með mikla neyslu sem hann tekur af fyrirtækjum og leggur inn í samfélagið. Hann tekur ekki bara út.“
Ferðamennska á Íslandi Færeyjar Mest lesið Játa frelsisviptingu og rán en hafna manndrápi Innlent Yfirmaður heraflans er á móti hernámi og vill semja Erlent Betra að borga tryggingarnar en að sitja uppi með allsherjartjón Innlent Persónulegar og átakanlegar lýsingar í ævisögu Giuffre Erlent Lögregla kölluð til vegna einstaklinga sem tjölduðu í skógarrjóðri Innlent Hættir hjá borgarstjóra og aðstoðar nú ráðherra Innlent Vilhjálmur í Smáríkinu ákærður fyrir að selja eina hvítvínsbelju Innlent Hættir sem ritstjóri Kveiks Innlent Skýrslur teknar af tíu börnum undir sex ára á síðustu 20 árum Innlent Tíunda skotið klikkaði Erlent Fleiri fréttir Vilhjálmur í Smáríkinu ákærður fyrir að selja eina hvítvínsbelju Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Sjá meira