Eiginmaður Völu reyndist kona: „Hugsuðum allar mögulegar leiðir til að reyna halda hjónabandinu gangandi“ Stefán Árni Pálsson skrifar 7. mars 2019 12:30 Vala Rut Friðriksdóttir og Sunneva eiga saman eina stúlku. Árið 2014 giftu þau sig sem Vala og Valur. Vala Rut Friðriksdóttir gekk í gegnum reynslu sem fáir hafa gert hér á landi. Vala var gift eiginmanni sínum í þrjú ár eða allt þar til hjónabandið endaði skyndilega. Eiginmaðurinn sagðist halda að hann væri fæddur í röngum líkama. Í dag er fyrrverandi eiginmaður Völu því einnig hennar besta vinkona. Vala og Sunneva, sem áður hét Valur, kynntust árið 2011. „Það var eiginlega bara ást við fyrstu sýn. Við byrjum að búa saman og 2013 trúlofuðum við okkur og árið 2014 ákváðum við með mjög stuttum fyrirvara að gifta okkur og það var alveg yndislegt,“ segir Vala Rut. Ári síðar fæddist þeim dóttir og 2016 flutti litla fjölskyldan saman til Svíþjóðar. „Það hafði í raun allt gengið afskaplega vel og við áttum alveg ótrúlega góðan tíma saman og vorum alltaf ótrúlega ástfangin. Það var því pínu skipsbrot þegar við komum heim frá Svíþjóð og hann kemur fram með það að hann haldi að hann sé fæddur í röngum líkama,“ segir Vala sem grunaði aldrei neitt og fréttirnar hafi verið áfall fyrir alla.Vala og Valur giftu sig árið 2014.„Í raun og veru biðu margir eftir því að við myndum segja að þetta væri djók.“ Vala viðurkennir að hún sjálf hafi í fyrstu vonast til að um hrekk væri að ræða. „Fyrstu dagana tókst mér að bæla þetta niður, einfaldlega út af því að ég trúði þessu ekki. Við ræddum þetta mikið og vildum alls ekki að hjónaband okkar myndi enda. Eftir því sem við hugsuðum þetta meira komumst við að því að það væri sennilega besta fyrir okkur að skilja,“ segir Vala en innst inni voru þau ennþá ástfangin af hvort öðru. „Við hugsuðum allar mögulegar leiðir til að reyna halda hjónabandinu gangandi. Hlutir eins og að vera í opnu sambandi eða hann fái einhvern milliveg með sína kyntjáningu. Ég held að við höfum alltaf vitað það að við yrðum aldrei fullkomlega hamingjusamar að fara einhvern milliveg.“Hvernig voru viðbrögð annara? „Þetta var áfall fyrir flesta og þetta kom fólki mjög á óvart. Foreldrar hennar hafa verið alveg frábærir og einnig bræður hennar. Öll sú fjölskylda hefur verið frábær og mín fjölskylda líka. Mín fjölskylda horfir ennþá á hana sem fjölskyldumeðlim okkar. Vinir hennar hafa verið alveg frábærir.“Vala og Sunneva eiga saman eina stúlku.Vala og Sunneva fara með jafna umgengni en dóttir þeirra er viku á hvorum stað. „Ég held að hún sé ekki almennilega búin að fatta það að hún á tvær mömmur. Hún notar alveg sitt á hvað mamma Sunneva eða mamma Valur eða pabbi Sunneva. Þetta virðist ekki hafa haft nein áhrif á hana.“ Hún segir mikilvægt að fólk átti sig á því að kynhneigð og kynvitund sé ekki það sama. „Til að mynda þegar Valur kemur fram með þetta var kynhneigð hans alveg sú sama. Það er að hann laðast að konum og hún gerir það ennþá, hún Sunneva. Ég held að kannski þyrfti að opna umræðuna. Við höfum verið að fá óviðeigandi spurningar í staðinn fyrir að spyrja hvernig hún hafi það. Þá er frekar spurt: Ætlar hún í aðgerð? Og þá er bara verið að tala um kynfærin. Og einnig er spurt: Ætlar hún að klippa af sér tittlinginn? Mjög svona óviðeigandi spurningar. Ég bara einfaldlega skil ekki hvaða máli það skiptir hvaða kynfæri við erum með.“ Þær ákváðu snemma í ferlinu að hittast reglulega og fara yfir það sem dóttur þeirra er fyrir bestu og hafa náð að vinna mjög vel úr ferlinu í heild en Vala sagði sögu sína fyrst hjá Austurfrétt.„Samskiptin okkar í dag eru bara dásamleg og við erum bara mjög góðar vinkonur. Við hittumst enn þá einu sinni til tvisvar í viku og stundum tölum við saman á hverjum einasta degi,“ segir Vala en hér að neðan má sjá viðtalið við hana í heild sinni. Ísland í dag Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Púsluðu sig inn í undanúrslit þrátt fyrir hremmingar Lífið Best skipulagða geymsla landsins í glæsihúsi við Laugardalinn Lífið Mistök að eyða ekki meiri tíma með börnunum Lífið Fagnaði 35 árum í sólinni Lífið Kvaddi dramað og flutti fyrir ástina Lífið „Allir vonuðu að þetta yrði stelpa“ Lífið Fleiri fréttir „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Gæsun Maríu Thelmu tók óvænta U-beygju Gáfu dótturinni þrjú nöfn Stjörnulífið: Brúðkaupsafmæli á hlaupum og lokatónleikar Laufeyjar Var Díana prinsessa myrt? Sjá meira
Vala Rut Friðriksdóttir gekk í gegnum reynslu sem fáir hafa gert hér á landi. Vala var gift eiginmanni sínum í þrjú ár eða allt þar til hjónabandið endaði skyndilega. Eiginmaðurinn sagðist halda að hann væri fæddur í röngum líkama. Í dag er fyrrverandi eiginmaður Völu því einnig hennar besta vinkona. Vala og Sunneva, sem áður hét Valur, kynntust árið 2011. „Það var eiginlega bara ást við fyrstu sýn. Við byrjum að búa saman og 2013 trúlofuðum við okkur og árið 2014 ákváðum við með mjög stuttum fyrirvara að gifta okkur og það var alveg yndislegt,“ segir Vala Rut. Ári síðar fæddist þeim dóttir og 2016 flutti litla fjölskyldan saman til Svíþjóðar. „Það hafði í raun allt gengið afskaplega vel og við áttum alveg ótrúlega góðan tíma saman og vorum alltaf ótrúlega ástfangin. Það var því pínu skipsbrot þegar við komum heim frá Svíþjóð og hann kemur fram með það að hann haldi að hann sé fæddur í röngum líkama,“ segir Vala sem grunaði aldrei neitt og fréttirnar hafi verið áfall fyrir alla.Vala og Valur giftu sig árið 2014.„Í raun og veru biðu margir eftir því að við myndum segja að þetta væri djók.“ Vala viðurkennir að hún sjálf hafi í fyrstu vonast til að um hrekk væri að ræða. „Fyrstu dagana tókst mér að bæla þetta niður, einfaldlega út af því að ég trúði þessu ekki. Við ræddum þetta mikið og vildum alls ekki að hjónaband okkar myndi enda. Eftir því sem við hugsuðum þetta meira komumst við að því að það væri sennilega besta fyrir okkur að skilja,“ segir Vala en innst inni voru þau ennþá ástfangin af hvort öðru. „Við hugsuðum allar mögulegar leiðir til að reyna halda hjónabandinu gangandi. Hlutir eins og að vera í opnu sambandi eða hann fái einhvern milliveg með sína kyntjáningu. Ég held að við höfum alltaf vitað það að við yrðum aldrei fullkomlega hamingjusamar að fara einhvern milliveg.“Hvernig voru viðbrögð annara? „Þetta var áfall fyrir flesta og þetta kom fólki mjög á óvart. Foreldrar hennar hafa verið alveg frábærir og einnig bræður hennar. Öll sú fjölskylda hefur verið frábær og mín fjölskylda líka. Mín fjölskylda horfir ennþá á hana sem fjölskyldumeðlim okkar. Vinir hennar hafa verið alveg frábærir.“Vala og Sunneva eiga saman eina stúlku.Vala og Sunneva fara með jafna umgengni en dóttir þeirra er viku á hvorum stað. „Ég held að hún sé ekki almennilega búin að fatta það að hún á tvær mömmur. Hún notar alveg sitt á hvað mamma Sunneva eða mamma Valur eða pabbi Sunneva. Þetta virðist ekki hafa haft nein áhrif á hana.“ Hún segir mikilvægt að fólk átti sig á því að kynhneigð og kynvitund sé ekki það sama. „Til að mynda þegar Valur kemur fram með þetta var kynhneigð hans alveg sú sama. Það er að hann laðast að konum og hún gerir það ennþá, hún Sunneva. Ég held að kannski þyrfti að opna umræðuna. Við höfum verið að fá óviðeigandi spurningar í staðinn fyrir að spyrja hvernig hún hafi það. Þá er frekar spurt: Ætlar hún í aðgerð? Og þá er bara verið að tala um kynfærin. Og einnig er spurt: Ætlar hún að klippa af sér tittlinginn? Mjög svona óviðeigandi spurningar. Ég bara einfaldlega skil ekki hvaða máli það skiptir hvaða kynfæri við erum með.“ Þær ákváðu snemma í ferlinu að hittast reglulega og fara yfir það sem dóttur þeirra er fyrir bestu og hafa náð að vinna mjög vel úr ferlinu í heild en Vala sagði sögu sína fyrst hjá Austurfrétt.„Samskiptin okkar í dag eru bara dásamleg og við erum bara mjög góðar vinkonur. Við hittumst enn þá einu sinni til tvisvar í viku og stundum tölum við saman á hverjum einasta degi,“ segir Vala en hér að neðan má sjá viðtalið við hana í heild sinni.
Ísland í dag Mest lesið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Púsluðu sig inn í undanúrslit þrátt fyrir hremmingar Lífið Best skipulagða geymsla landsins í glæsihúsi við Laugardalinn Lífið Mistök að eyða ekki meiri tíma með börnunum Lífið Fagnaði 35 árum í sólinni Lífið Kvaddi dramað og flutti fyrir ástina Lífið „Allir vonuðu að þetta yrði stelpa“ Lífið Fleiri fréttir „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Gæsun Maríu Thelmu tók óvænta U-beygju Gáfu dótturinni þrjú nöfn Stjörnulífið: Brúðkaupsafmæli á hlaupum og lokatónleikar Laufeyjar Var Díana prinsessa myrt? Sjá meira