Þór/KA vann generalprufuna

Þór/KA bar sigurorð af Breiðabliki, 2-1, í A-deild Lengjubikars kvenna í dag.

Þór/KA fékk tíu stig og endaði í 2. sæti, stigi og sæti á undan Breiðabliki.

Þessi lið mætast í undanúrslitum A-deildar Lengjubikarsins 13. apríl næstkomandi. Í hinum undanúrslitaleiknum mætir Valur annað hvort Stjörnunni eða ÍBV.

Lára Kristín Pedersen kom Þór/KA yfir strax á 4. mínútu leiksins. Sandra Mayor bætti svo öðru marki við á 54. mínútu.

Agla María Albertsdóttir minnkaði muninn á 57. mínútu en nær komust Íslands- og bikarmeistararnir ekki. Lokatölur 2-1, Þór/KA í vil.