Kjarasamningar undirritaðir

Kjarasamningar um þrjátíu stéttarfélaga og Samtaka atvinnulífsins voru undirritaðir í húsakynnum ríkissáttasemjara um klukkan 22:15 í kvöld.

Samningsaðilar hafa fundað stíft síðustu daga og vikur. Upphaflega stóð til að undirrita samningana í gær en því var frestað.

Ríkisstjórnin og aðilar vinnumarkaðarins hafa boðað til blaðamannafundar klukkan 22:30 í kvöld, í Ráðherrabústaðnum við Tjarnargötu.Þar verður kynntur lífskjarasamningur aðila vinnumarkaðarins og aðgerðir stjórnvalda í tengslum við hann.

Bryndís Hlöðversdóttir ríkissáttasemjari sagði að á fimmta hundrað vinnustunda á sáttafundum hafi verið skráðir í þessari lotu á skrifstofu ríkissáttasemjara.