Safnar undirskriftum fyrir nýtt val í fluginu Garðar Örn Úlfarsson skrifar 26. apríl 2019 06:00 Jóel Kristinsson, talsmaður FlyIcelandic. Fólki gefst nú kostur á að skrá sig á flyicelandic.is þar sem lofað er fríðindum og ódýrum flugmiðum. Talsmaður FlyIcelandic segir að skapa eigi viðskiptagrunn sem stofna megi flugfélag á eða efna til samstarfs við önnur flugfélög. Ástþór Magnússon, fyrrverandi forsetaframbjóðandi með meiru, hefur ásamt fleirum sett á flot netsíðu til að afla stuðnings við annaðhvort nýtt flugfélag eða klúbb sem útvegar félagsmönnum ódýrt flug. Meðal samstarfsaðila Ástþórs segir Jóel Kristinsson vera portúgalska flugfélagið JetBanus sem leggja myndi til þær Airbus-þotur sem Ástþór hefur sagst hafa aðgang að. „Við erum ekki að fara út í að reka flugfélag heldur er þetta viðskiptahugmynd varðandi það að setja upp allan viðskiptagrunninn þannig að það gæti verið stofnað flugfélag í kring um það. JetBanus er í því að leigja út vélar,“ segir Jóel Kristinsson, talsmaður FlyIcelandic. „Við viljum sjá áhugann hjá fólki og fyrirtækjum á að taka þátt í því. Við förum aldrei af stað ef það verður enginn áhugi.“ Nánar útskýrir Jóel að FlyIcelandic geti annaðhvort orðið að nýju flugfélagi eða klúbbi – eða jafnvel að samblandi af því tvennu. „Þetta er ákveðin hugmyndafræði sem er alveg ný sem snýst um að búa til grunn fyrir flugfélag að starfa á.“ Á síðunni flyicelandic.is er fólk hvatt til að skrá sig og fá þannig ódýra flugmiða og fríðindi. „Þú öðlast rétt á að kaupa EcoMiles sem eru flugmílur á heildsöluverði og njóta ýmissa fríðinda sem FlyIcelandic farþegi,“ segir á síðunni. Með „samhentu átaki“ sé vonast til að „fylla upp í það skarð sem myndaðist í íslenskum flugsamgöngum við fall WOW air.“Ástþór MagnússonVísirÞá er tekið fram að FlyIcelandic hafi engin tengsl við WOW air. „En við höfum áratuga reynslu í flugrekstri og aðgang að Airbus-flugvélaflota sem leggur áherslu á plastlaust flug. Markmið okkar er að aðstoða íslenska ferðaþjónustu og fyrrum starfsmenn WOW air að komast aftur í loftið á öruggum starfsgrundvelli,“ segir á flyicelandic.is. Um sjötíu manns og fjögur fyrirtæki höfðu að sögn Jóels skráð sig á síðu FlyIcelandic síðdegis í gær, skömmu eftir að hún var opnuð. Talsverður áhugi sé hjá fyrrverandi starfsfólki WOW air. Hann undirstrikar að engin skuldbinding fylgi því að skrá sig. „Við erum ekki að biðja um fjármagn eða neitt. Þetta er ekki hópfjármögnun eins og er. Við erum bara að sjá hvort fólk er tilbúið að taka þátt. Ef það er mikil þátttaka þá er hægt að fara í svoleiðis fjármögnun,“ segir Jóel. Fólk þurfi ekki endilega að taka þátt sem fjárfestar heldur einfaldlega styðja málstaðinn. Aðspurður segir Jóel ekkert hafa verið skoðað á hvaða flugleiðum til og frá landinu helst þurfi að bæta við framboði af sætum. „Við erum aðallega að reyna að sjá hver áhuginn er fyrir að taka þátt í svona. Síðan er hægt að fara í það ef af verður,“ svarar hann. Aðrir aðilar, eins og til dæmis Hreiðar Hermanns í Stracta hótelum, hafa sagst vera með lággjaldaflugfélag í undirbúningi. Jóel segir áform FlyIcelandic ekki þurfa að stangast á við slíkan rekstur. „Það væri hægt að fara í samstarf við slíka aðila. Það er allt opið í því hvaða leiðir er hægt að fara.“ Birtist í Fréttablaðinu Fréttir af flugi Tengdar fréttir Ástþór Magnússon kannar möguleika á flugrekstri Hugmynd að stofnun nýs íslensks flugfélags hefur verið kynnt á vefsíðunni flyicelandic.is en að hugmyndinni standa miklir reynsluboltar, þ.á.m. Ástþór Magnússon, fyrrum forsetaframbjóðandi og athafnamaður. 25. apríl 2019 20:28 Segir erlent flugfélag hafa áhuga á helmingi hlutafjár nýja flugfélagsins Hreiðar Hermannsson, hótelstjóri Stracta hotels, sem nú undirbýr stofnun flugfélags segir að mikið vatn muni renna til sjávar áður en að flugvélar hins nýja flugfélags muni hefja sig á loft. Hann er þó bjartsýnn á framhaldið og segir erlent flugfélag hafa haft samband við sig um kaup á helmingi hlutafjár í hinu nýju flugfélagi. 24. apríl 2019 18:32 Mest lesið Töldu hættu stafa af einkaþotufyrirtækinu sem var svipt starfsleyfi Viðskipti innlent Sjálfbærni og fjárhagslegur árangur haldast í hendur Framúrskarandi fyrirtæki Sterk heild og skýr gildi gera Afltak að fyrirmynd í byggingariðnaði Framúrskarandi kynning Greiðir sér út allt að fimmtíu milljónir Viðskipti innlent Of snemmt að segja hvort vaxtadómurinn geri lán dýrari eða ódýrari Viðskipti innlent Færir sig í Borgartúnið eftir stutta dvöl hjá ÍSÍ Viðskipti innlent Gervigreindarknúið snjallsiglingarkerfi hlaut Nýsköpunarverðlaunin Viðskipti innlent Sverrir Einar söðlar um og selur Þrastalund Viðskipti innlent Hátíðin í heild sinni: Listi Framúrskarandi fyrirtækja birtur Framúrskarandi fyrirtæki Tilkynna breytingar á lánaframboði Viðskipti innlent Fleiri fréttir Of snemmt að segja hvort vaxtadómurinn geri lán dýrari eða ódýrari Töldu hættu stafa af einkaþotufyrirtækinu sem var svipt starfsleyfi Gervigreindarknúið snjallsiglingarkerfi hlaut Nýsköpunarverðlaunin Högnuðust um tæpa sjö milljarða Tilkynna breytingar á lánaframboði Sverrir Einar söðlar um og selur Þrastalund Leigjendum muni fjölga um fimm þúsund fram til 2030 Bein útsending: Nýsköpunarþing 2025 - Ísland í stóru myndinni Bjarni Geir Alfreðsson matreiðslumaður látinn Færir sig í Borgartúnið eftir stutta dvöl hjá ÍSÍ Verðbólguþróunin áhyggjuefni Greiðir sér út allt að fimmtíu milljónir Verðbólga ekki meiri síðan í janúar Hagnaður bankans 8,2 milljarðar á þriðja ársfjórðungi Ístak bauð best í frágang á nýja Landspítalanum Eyða óvissunni um verðtrygginguna með vaxtaviðmiði Segja þingmann draga upp skakka mynd af stöðu nýsköpunar Eigandi skrifstofu í Kringlunni þarf að borga fyrir auglýsingar Stjórnendur Íslandsbanka enn undir feldi Fyrrverandi starfsmenn endurvekja Lagningu Reikna með 1,5 milljarði króna í sjóböðin í Önundarfirði Enn meiri veikleikar í samkeppnishæfni Íslands en ESB Sérlausn fyrir fluglosun virðist ekki hafa verið auglýst Segir mikla vinnu í gangi vegna lánamála Sér ljós við enda ganganna: „Kannski þurfti svona stóra truflun til“ Mun leiða svið markaðsmála og þjónustuupplifunar hjá Advania Finna meira gull á Grænlandi Jónas Már til Réttar „Ekki bara smá eyða, þetta er risastórt gat“ Hætt við að vextir hækki Sjá meira
Fólki gefst nú kostur á að skrá sig á flyicelandic.is þar sem lofað er fríðindum og ódýrum flugmiðum. Talsmaður FlyIcelandic segir að skapa eigi viðskiptagrunn sem stofna megi flugfélag á eða efna til samstarfs við önnur flugfélög. Ástþór Magnússon, fyrrverandi forsetaframbjóðandi með meiru, hefur ásamt fleirum sett á flot netsíðu til að afla stuðnings við annaðhvort nýtt flugfélag eða klúbb sem útvegar félagsmönnum ódýrt flug. Meðal samstarfsaðila Ástþórs segir Jóel Kristinsson vera portúgalska flugfélagið JetBanus sem leggja myndi til þær Airbus-þotur sem Ástþór hefur sagst hafa aðgang að. „Við erum ekki að fara út í að reka flugfélag heldur er þetta viðskiptahugmynd varðandi það að setja upp allan viðskiptagrunninn þannig að það gæti verið stofnað flugfélag í kring um það. JetBanus er í því að leigja út vélar,“ segir Jóel Kristinsson, talsmaður FlyIcelandic. „Við viljum sjá áhugann hjá fólki og fyrirtækjum á að taka þátt í því. Við förum aldrei af stað ef það verður enginn áhugi.“ Nánar útskýrir Jóel að FlyIcelandic geti annaðhvort orðið að nýju flugfélagi eða klúbbi – eða jafnvel að samblandi af því tvennu. „Þetta er ákveðin hugmyndafræði sem er alveg ný sem snýst um að búa til grunn fyrir flugfélag að starfa á.“ Á síðunni flyicelandic.is er fólk hvatt til að skrá sig og fá þannig ódýra flugmiða og fríðindi. „Þú öðlast rétt á að kaupa EcoMiles sem eru flugmílur á heildsöluverði og njóta ýmissa fríðinda sem FlyIcelandic farþegi,“ segir á síðunni. Með „samhentu átaki“ sé vonast til að „fylla upp í það skarð sem myndaðist í íslenskum flugsamgöngum við fall WOW air.“Ástþór MagnússonVísirÞá er tekið fram að FlyIcelandic hafi engin tengsl við WOW air. „En við höfum áratuga reynslu í flugrekstri og aðgang að Airbus-flugvélaflota sem leggur áherslu á plastlaust flug. Markmið okkar er að aðstoða íslenska ferðaþjónustu og fyrrum starfsmenn WOW air að komast aftur í loftið á öruggum starfsgrundvelli,“ segir á flyicelandic.is. Um sjötíu manns og fjögur fyrirtæki höfðu að sögn Jóels skráð sig á síðu FlyIcelandic síðdegis í gær, skömmu eftir að hún var opnuð. Talsverður áhugi sé hjá fyrrverandi starfsfólki WOW air. Hann undirstrikar að engin skuldbinding fylgi því að skrá sig. „Við erum ekki að biðja um fjármagn eða neitt. Þetta er ekki hópfjármögnun eins og er. Við erum bara að sjá hvort fólk er tilbúið að taka þátt. Ef það er mikil þátttaka þá er hægt að fara í svoleiðis fjármögnun,“ segir Jóel. Fólk þurfi ekki endilega að taka þátt sem fjárfestar heldur einfaldlega styðja málstaðinn. Aðspurður segir Jóel ekkert hafa verið skoðað á hvaða flugleiðum til og frá landinu helst þurfi að bæta við framboði af sætum. „Við erum aðallega að reyna að sjá hver áhuginn er fyrir að taka þátt í svona. Síðan er hægt að fara í það ef af verður,“ svarar hann. Aðrir aðilar, eins og til dæmis Hreiðar Hermanns í Stracta hótelum, hafa sagst vera með lággjaldaflugfélag í undirbúningi. Jóel segir áform FlyIcelandic ekki þurfa að stangast á við slíkan rekstur. „Það væri hægt að fara í samstarf við slíka aðila. Það er allt opið í því hvaða leiðir er hægt að fara.“
Birtist í Fréttablaðinu Fréttir af flugi Tengdar fréttir Ástþór Magnússon kannar möguleika á flugrekstri Hugmynd að stofnun nýs íslensks flugfélags hefur verið kynnt á vefsíðunni flyicelandic.is en að hugmyndinni standa miklir reynsluboltar, þ.á.m. Ástþór Magnússon, fyrrum forsetaframbjóðandi og athafnamaður. 25. apríl 2019 20:28 Segir erlent flugfélag hafa áhuga á helmingi hlutafjár nýja flugfélagsins Hreiðar Hermannsson, hótelstjóri Stracta hotels, sem nú undirbýr stofnun flugfélags segir að mikið vatn muni renna til sjávar áður en að flugvélar hins nýja flugfélags muni hefja sig á loft. Hann er þó bjartsýnn á framhaldið og segir erlent flugfélag hafa haft samband við sig um kaup á helmingi hlutafjár í hinu nýju flugfélagi. 24. apríl 2019 18:32 Mest lesið Töldu hættu stafa af einkaþotufyrirtækinu sem var svipt starfsleyfi Viðskipti innlent Sjálfbærni og fjárhagslegur árangur haldast í hendur Framúrskarandi fyrirtæki Sterk heild og skýr gildi gera Afltak að fyrirmynd í byggingariðnaði Framúrskarandi kynning Greiðir sér út allt að fimmtíu milljónir Viðskipti innlent Of snemmt að segja hvort vaxtadómurinn geri lán dýrari eða ódýrari Viðskipti innlent Færir sig í Borgartúnið eftir stutta dvöl hjá ÍSÍ Viðskipti innlent Gervigreindarknúið snjallsiglingarkerfi hlaut Nýsköpunarverðlaunin Viðskipti innlent Sverrir Einar söðlar um og selur Þrastalund Viðskipti innlent Hátíðin í heild sinni: Listi Framúrskarandi fyrirtækja birtur Framúrskarandi fyrirtæki Tilkynna breytingar á lánaframboði Viðskipti innlent Fleiri fréttir Of snemmt að segja hvort vaxtadómurinn geri lán dýrari eða ódýrari Töldu hættu stafa af einkaþotufyrirtækinu sem var svipt starfsleyfi Gervigreindarknúið snjallsiglingarkerfi hlaut Nýsköpunarverðlaunin Högnuðust um tæpa sjö milljarða Tilkynna breytingar á lánaframboði Sverrir Einar söðlar um og selur Þrastalund Leigjendum muni fjölga um fimm þúsund fram til 2030 Bein útsending: Nýsköpunarþing 2025 - Ísland í stóru myndinni Bjarni Geir Alfreðsson matreiðslumaður látinn Færir sig í Borgartúnið eftir stutta dvöl hjá ÍSÍ Verðbólguþróunin áhyggjuefni Greiðir sér út allt að fimmtíu milljónir Verðbólga ekki meiri síðan í janúar Hagnaður bankans 8,2 milljarðar á þriðja ársfjórðungi Ístak bauð best í frágang á nýja Landspítalanum Eyða óvissunni um verðtrygginguna með vaxtaviðmiði Segja þingmann draga upp skakka mynd af stöðu nýsköpunar Eigandi skrifstofu í Kringlunni þarf að borga fyrir auglýsingar Stjórnendur Íslandsbanka enn undir feldi Fyrrverandi starfsmenn endurvekja Lagningu Reikna með 1,5 milljarði króna í sjóböðin í Önundarfirði Enn meiri veikleikar í samkeppnishæfni Íslands en ESB Sérlausn fyrir fluglosun virðist ekki hafa verið auglýst Segir mikla vinnu í gangi vegna lánamála Sér ljós við enda ganganna: „Kannski þurfti svona stóra truflun til“ Mun leiða svið markaðsmála og þjónustuupplifunar hjá Advania Finna meira gull á Grænlandi Jónas Már til Réttar „Ekki bara smá eyða, þetta er risastórt gat“ Hætt við að vextir hækki Sjá meira
Ástþór Magnússon kannar möguleika á flugrekstri Hugmynd að stofnun nýs íslensks flugfélags hefur verið kynnt á vefsíðunni flyicelandic.is en að hugmyndinni standa miklir reynsluboltar, þ.á.m. Ástþór Magnússon, fyrrum forsetaframbjóðandi og athafnamaður. 25. apríl 2019 20:28
Segir erlent flugfélag hafa áhuga á helmingi hlutafjár nýja flugfélagsins Hreiðar Hermannsson, hótelstjóri Stracta hotels, sem nú undirbýr stofnun flugfélags segir að mikið vatn muni renna til sjávar áður en að flugvélar hins nýja flugfélags muni hefja sig á loft. Hann er þó bjartsýnn á framhaldið og segir erlent flugfélag hafa haft samband við sig um kaup á helmingi hlutafjár í hinu nýju flugfélagi. 24. apríl 2019 18:32