Hrósaði Reykjavíkurdætrum í hástert hjá Seth Meyers

Fjölmiðlakonan og grínistinn Desi Lydic var gestur hjá Seth Meyers í vikunni og kom þar í ljós að hún ferðaðist á sínum tíma um heiminn til að tala um jafnrétti kynjanna.

Lydic mætti til að mynda til Íslands og hitti þar meðlimi Reykjavíkurdætra.

„Ég hitti ótrúlegan hóp af konum á Íslandi sem kalla sig Reykjavíkurdætur. Þetta er rappsveit aðeins skipuð konum, heilum tuttugu og tveimur. Þetta er í raun kvenkyns útgáfan af Wu-Tang Clan,“ segir Lydic.

„Þær eru allar með eins húðflúr sem sameinar þær,“ segir Lydic sem fékk sér eins húðflúr.

Hér að neðan má sjá viðtalið í heild sinni.