Andri Rúnar skoraði beint úr aukaspyrnu

Andri Rúnar Bjarnason skoraði mark Helsingborg í 1-1 jafntefli við Athletic Eskilstuna í sænsku úrvalsdeildinni í dag.

Bolvíkingurinn kom Helsingborg yfir með skoti beint úr aukaspyrnu á 54. mínútu. Það dugði ekki til sigurs því Athletic Eskilstuna jafnaði fjórum mínútum fyrir leikslok.

Andri Rúnar hefur skorað tvö mörk í sex deildarleikjum á tímabilinu.

Eftir tvo sigra í fyrstu þremur umferðunum er Helsingborg án sigurs í sjö síðustu deildarleikjum sínum.

Andri Rúnar og félagar eru í 12. sæti deildarinnar með níu stig.