Nafn starfsmanns Vegagerðarinnar sem lést

Maðurinn sem lést af slysförum þann 27. júní síðastliðinn þegar veghefill fór út af veginum upp á Ingjaldssandsvegi, Sandsheiði í Gerðhamarsdal, á Vestfjörðum hét Guðmundur S. Ásgeirsson. Hann var 57 ára gamall ekkjumaður.

Hann lætur eftir sig þrjá uppkomna syni, tvær tengdadætur og þrjú barnabörn að því er fram kemur í tilkynningu frá lögreglunni á Vestfjörðum.

Synir hins látna vilja koma á framfæri þökkum til samstarfsmanna föður þeirra hjá Vegagerðinni sem og öllum viðbragðsaðilum sem komu að atvikinu.