Buðu styrki og bónusa fyrir lykilfólk í tímabundnu starfi Ari Brynjólfsson skrifar 19. júlí 2019 06:00 Már Guðmundsson seðlabankastjóri gerði samkomulag árið 2012 við framkvæmdastjóra gjaldeyriseftirlits bankans um að hún fengi námsstyrk í skiptum fyrir að starfa áfram í minnst tvö ár. Fréttablaðið/Sigtryggur Ari Sérhæfð verkefni og tímabundnar ráðningar knúðu stjórnendur Seðlabankans til að beita ýmsum ráðum til að halda í starfsfólk gjaldeyriseftirlitsins á árunum eftir að það var sett á fót í september 2009, ekki síst eftir að umræða um nauðsyn þess að losa fjármagnshöft magnaðist og starfsfólk gjaldeyriseftirlitsins varð meðvitaðra um að störfum þess í bankanum gæti lokið. Þetta kemur fram í greinargerð sem Arnar Þór Stefánsson lögmaður vann fyrir Seðlabankann. Í greinargerðinni segir að það hafi flækt verkefni sviðsins að halda í mannafla þar sem gert var ráð fyrir að starfsemin yrði tímabundin. Varð vandinn stærri með tímanum þar sem starfsfólkið varð æ verðmætara „vegna þeirrar einstöku reynslu sem það hafði safnað“ eins og það er orðað í greinargerðinni. „Beitt var ýmsum ráðum svo sem lengri uppsagnarfrestum og síðar bónusgreiðslum ef starfsmenn væru í starfi á ákveðnum lykildagsetningum sem miðuðust gjarnan við áfanga varðandi losun hafta,“ segir í greinargerðinni. „Í einstaka tilfellum var lykilstarfsmönnum lofað framtíðarstarfi í bankanum ef talið var að þeir myndu örugglega nýtast víðar.“ Árið 2015 var sérstakur álagstoppur í starfi gjaldeyriseftirlitsins, var þá gengið frá uppgjöri slitabúanna. Einnig síðla sumars 2016 þegar haldið var stórt útboð á aflandskrónum. „Mæddi þá mikið á Ingibjörgu Guðbjartsdóttur, framkvæmdastjóra gjaldeyriseftirlitsins, en hún var einnig fulltrúi bankans í framkvæmdahópi um losun fjármagnshafta. Greiddar voru álagsgreiðslur til starfsmanna vegna þessarar vinnu,“ segir í greinargerðinni. Fékk Ingibjörg þó minna en aðrir þar sem álagstoppar voru hluti af hennar starfi.Ingibjörg Guðbjartsdóttir, fyrrverandi forstöðumaður gjaldeyriseftirlits Seðlabanka Íslands, á blaðamannafundi árið 2013.FBL/PJETURIngibjörg ræddi um möguleg starfslok í lok árs 2011, bæði vegna álags „en einnig vegna vissrar óánægju með það ferli sem þá var í gangi við losun hafta og að aðkoma gjaldeyriseftirlitsins að því væri ekki nægilega mikil“. Samkvæmt munnlegu samkomulagi hélt hún áfram starfi sínu gegn vilyrði bankans fyrir námsstyrk frá bankanum við starfslok. Hún fór svo í leyfi árið 2016 til að fara í nám við Harvard-háskóla og sagði starfi sínu lausu í lok árs 2017. Á því tímabili vann hún að gerð greinargerðar sem tengdist alþjóðasamningum sem nýttist að sögn í stefnumótunarvinnu bankans. Blaðamanni Fréttablaðsins var synjað um aðgang að efni samnings Ingibjargar við Seðlabankann en úrskurðarnefnd um upplýsingamál hefur komist að þeirri niðurstöðu að bankanum beri að afhenda skjalið. Bankinn hefur hins vegar farið fram á að réttaráhrifum þess úrskurðar verði frestað. Heimild til slíkrar frestunar er bundin því skilyði að málinu verði skotið til dómstóla innan sjö daga frá því að fallist er á frestunina. Í fyrrnefndri greinargerð bankans til úrskurðarnefndarinnar segir um samninginn að opinber birting samningsins gæti dregið úr möguleikum bankans til að gera sambærilega samninga í framtíðinni þegar það er talið nauðsynlegt til að stefna ekki verkefnum bankans í hættu. Þá kunni opinber birting samningsins eins og hann sé úr garði gerður, án framangreindrar forsögu, að skerða með óbætanlegum hætti annars vegar orðspor bankans og hins vegar starfsmannsins. Með því að Fréttablaðið birtir hér þá forsögu sem lögmaður Seðlabankans telur forsendu birtingar samningsins, mun blaðið krefjast þess að frestun réttaráhrifa úrskurðarins verði hafnað og blaðamanni Fréttablaðsins send umbeðin gögn án tafar. Birtist í Fréttablaðinu Seðlabankinn Skóla - og menntamál Stjórnsýsla Tengdar fréttir Seðlabanki unir ekki úrskurði um upplýsingarétt fjölmiðils Seðlabankinn er skyldur til að afhenda blaðamanni samning bankans um námsleyfi starfsmanns. Bankinn afhendir ekki skjalið og krefst frestunar réttaráhrifa úrskurðar um afhendingu þess. Segir orðspor bankans skerðast með óbætanlegum hætti 18. júlí 2019 06:00 Mest lesið Bein útsending: Konur streyma á Arnarhól Innlent Nýtt fíkniefni læðist inn á íslenskan markað Innlent Meinað að taka þátt þar sem hún þurfti að hafa barnið með sér Innlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Rýnt í stöðuna í Úkraínu: Trump stendur loks við stóru orðin Erlent Allt að áttatíu þúsund mæti í miðbæinn og götulokanir í gildi Innlent Bandaríkjamenn ræsa út stærsta flugmóðurskip heims Erlent Vara við vafasömum Excel-skjölum í umferð „bókstaflega út um allt“ Innlent Hóf störf of snemma eftir kvörtun vegna heimilisofbeldis Innlent Fleiri fréttir Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Sjá meira
Sérhæfð verkefni og tímabundnar ráðningar knúðu stjórnendur Seðlabankans til að beita ýmsum ráðum til að halda í starfsfólk gjaldeyriseftirlitsins á árunum eftir að það var sett á fót í september 2009, ekki síst eftir að umræða um nauðsyn þess að losa fjármagnshöft magnaðist og starfsfólk gjaldeyriseftirlitsins varð meðvitaðra um að störfum þess í bankanum gæti lokið. Þetta kemur fram í greinargerð sem Arnar Þór Stefánsson lögmaður vann fyrir Seðlabankann. Í greinargerðinni segir að það hafi flækt verkefni sviðsins að halda í mannafla þar sem gert var ráð fyrir að starfsemin yrði tímabundin. Varð vandinn stærri með tímanum þar sem starfsfólkið varð æ verðmætara „vegna þeirrar einstöku reynslu sem það hafði safnað“ eins og það er orðað í greinargerðinni. „Beitt var ýmsum ráðum svo sem lengri uppsagnarfrestum og síðar bónusgreiðslum ef starfsmenn væru í starfi á ákveðnum lykildagsetningum sem miðuðust gjarnan við áfanga varðandi losun hafta,“ segir í greinargerðinni. „Í einstaka tilfellum var lykilstarfsmönnum lofað framtíðarstarfi í bankanum ef talið var að þeir myndu örugglega nýtast víðar.“ Árið 2015 var sérstakur álagstoppur í starfi gjaldeyriseftirlitsins, var þá gengið frá uppgjöri slitabúanna. Einnig síðla sumars 2016 þegar haldið var stórt útboð á aflandskrónum. „Mæddi þá mikið á Ingibjörgu Guðbjartsdóttur, framkvæmdastjóra gjaldeyriseftirlitsins, en hún var einnig fulltrúi bankans í framkvæmdahópi um losun fjármagnshafta. Greiddar voru álagsgreiðslur til starfsmanna vegna þessarar vinnu,“ segir í greinargerðinni. Fékk Ingibjörg þó minna en aðrir þar sem álagstoppar voru hluti af hennar starfi.Ingibjörg Guðbjartsdóttir, fyrrverandi forstöðumaður gjaldeyriseftirlits Seðlabanka Íslands, á blaðamannafundi árið 2013.FBL/PJETURIngibjörg ræddi um möguleg starfslok í lok árs 2011, bæði vegna álags „en einnig vegna vissrar óánægju með það ferli sem þá var í gangi við losun hafta og að aðkoma gjaldeyriseftirlitsins að því væri ekki nægilega mikil“. Samkvæmt munnlegu samkomulagi hélt hún áfram starfi sínu gegn vilyrði bankans fyrir námsstyrk frá bankanum við starfslok. Hún fór svo í leyfi árið 2016 til að fara í nám við Harvard-háskóla og sagði starfi sínu lausu í lok árs 2017. Á því tímabili vann hún að gerð greinargerðar sem tengdist alþjóðasamningum sem nýttist að sögn í stefnumótunarvinnu bankans. Blaðamanni Fréttablaðsins var synjað um aðgang að efni samnings Ingibjargar við Seðlabankann en úrskurðarnefnd um upplýsingamál hefur komist að þeirri niðurstöðu að bankanum beri að afhenda skjalið. Bankinn hefur hins vegar farið fram á að réttaráhrifum þess úrskurðar verði frestað. Heimild til slíkrar frestunar er bundin því skilyði að málinu verði skotið til dómstóla innan sjö daga frá því að fallist er á frestunina. Í fyrrnefndri greinargerð bankans til úrskurðarnefndarinnar segir um samninginn að opinber birting samningsins gæti dregið úr möguleikum bankans til að gera sambærilega samninga í framtíðinni þegar það er talið nauðsynlegt til að stefna ekki verkefnum bankans í hættu. Þá kunni opinber birting samningsins eins og hann sé úr garði gerður, án framangreindrar forsögu, að skerða með óbætanlegum hætti annars vegar orðspor bankans og hins vegar starfsmannsins. Með því að Fréttablaðið birtir hér þá forsögu sem lögmaður Seðlabankans telur forsendu birtingar samningsins, mun blaðið krefjast þess að frestun réttaráhrifa úrskurðarins verði hafnað og blaðamanni Fréttablaðsins send umbeðin gögn án tafar.
Birtist í Fréttablaðinu Seðlabankinn Skóla - og menntamál Stjórnsýsla Tengdar fréttir Seðlabanki unir ekki úrskurði um upplýsingarétt fjölmiðils Seðlabankinn er skyldur til að afhenda blaðamanni samning bankans um námsleyfi starfsmanns. Bankinn afhendir ekki skjalið og krefst frestunar réttaráhrifa úrskurðar um afhendingu þess. Segir orðspor bankans skerðast með óbætanlegum hætti 18. júlí 2019 06:00 Mest lesið Bein útsending: Konur streyma á Arnarhól Innlent Nýtt fíkniefni læðist inn á íslenskan markað Innlent Meinað að taka þátt þar sem hún þurfti að hafa barnið með sér Innlent Sættir sig ekki við sýknu tálbeitunnar Innlent Blöskrar „vælið“ vegna Norðuráls Innlent Rýnt í stöðuna í Úkraínu: Trump stendur loks við stóru orðin Erlent Allt að áttatíu þúsund mæti í miðbæinn og götulokanir í gildi Innlent Bandaríkjamenn ræsa út stærsta flugmóðurskip heims Erlent Vara við vafasömum Excel-skjölum í umferð „bókstaflega út um allt“ Innlent Hóf störf of snemma eftir kvörtun vegna heimilisofbeldis Innlent Fleiri fréttir Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Sjá meira
Seðlabanki unir ekki úrskurði um upplýsingarétt fjölmiðils Seðlabankinn er skyldur til að afhenda blaðamanni samning bankans um námsleyfi starfsmanns. Bankinn afhendir ekki skjalið og krefst frestunar réttaráhrifa úrskurðar um afhendingu þess. Segir orðspor bankans skerðast með óbætanlegum hætti 18. júlí 2019 06:00