Áttundi hver íbúi erlendur

Áttundi hver íbúi á Íslandi hefur erlent ríkisfang.

Alls voru 46.717 erlendir ríkisborgarar búsettir hér á landi þann 1. júlí 2019 og hefur þeim fjölgað um 2.561 frá 1. desember 2018 eða um 5,8 prósent. Á sama tíma fjölgaði íslenskum ríkisborgurum sem eru búsettir hér á landi um 0,4 prósent.

Langflestir erlendir ríkisborgarar búsettir hér á landi eru pólskir eða 19.909. Alls eru 4.388 ríkisborgarar Litháens búsettir hér. Þessar tölur byggja á skráningu einstaklinga til heimilis á Íslandi eftir þjóðerni samkvæmt Þjóðskrá Íslands.