Við suðumark innan vallar sem utan Benedikt Bóas skrifar 26. júlí 2019 13:00 Það er ekkert grín að hjóla upp Alpana, hvað þá þegar hitinn er orðinn svo mikill að flestum þykir nóg um. Hér er Julian Alaphilippe í gulu treyjunni sem sýnir þann sem er fyrstur í heildarkeppninni. AP/Christophe Ena Tour de France hefur nú hafið klifur sitt upp Alpana. Til að gera hlutina enn verri er hitabylgja að ganga yfir landið svo hjólað var upp í móti í 30 stiga hita. Keppnin hefur ekki verið tíðindalaus og tveir hafa verið reknir heim fyrir slagsmál í brautinni. Þegar 14 kílómetrar voru eftir af 17. dagleið Tour de France lenti þeim Luke Rowe frá Wales og Tony Martin frá Þýskalandi saman á brautinni. Rowe var næstum keyrður út af brautinni af Martin og var ekki sáttur. Hjólaði á eftir honum, náði í skottið á honum og ýtti við og lét nokkur vel valin orð fylgja. UCI, Alþjóða hjólreiðasambandinu, og forráðamönnum Tour de France var ekki skemmt og hentu báðum keppendum úr keppni. Rowe talaði við blaðamenn eftir að hann steig út úr bíl UCI og sagðist vera niðurbrotinn enda hefði þetta verið lítið brot. „Mér f innst þetta ósanngjarnt. Ég var í klukkutíma þarna inni að skoða myndbönd af atvikinu og barðist ekkert aðeins fyrir mig heldur líka fyrir hann. En því miður hafði ég ekki erindi sem erfiði,“ sagði sá velski.Matteo Trentin kælir sig niður eftir sigur á sautjándu sérleiðinni.AP/Thibault CamusRowe hjólar fyrir Team Ineos og leikur lykilhlutverk í því að aðstoða Geraint Thomas í því að verja titil-inn frá því í fyrra. Þetta er því mikið högg fyrir ríkasta hjólreiðalið heims en Ineos er í eigu Íslandsvinarins Jims Ratcliffe. Liðið hét áður Team Sky en er nú í eigu Ratcliffes sem hefur styrkt stöðu þess sem eins af stórveldum hjólreiðanna. Martin var sömuleiðis niðurbrotinn og fannst refsingin heldur hörð. „Mér finnst auðvitað hrika-legt að skilja liðið eftir á þessum stað. Við erum að berjast við að koma manni á pall og mér f innst þetta hörð refsing en það þýðir víst ekki að deila við dómarann,“ sagði hann en Martin hjólar fyrir Team Jumbo-Visna. Liðin gáfu út sameiginlega yfirlýsingu þar sem skoðað er að áfrýja niðurstöðunni. „Þetta hafði ekki áhrif á nokkurn annan keppanda og hafði ekki áhrif á nokkurt annað lið. Þeir hjóluðu í mark og tókust í hendur á eftir. Það voru engin illindi í þessu enda bera þeir mikla virðingu hvor fyrir öðrum. Að keppni þeirra skuli enda svona finnst okkur óréttlæti,“ sagði í yfirlýsingunni. Flestir aðrir keppendur voru sammála um að refsingin væri heldur hörð. Amund Grøndahl Jansen, sem er samherji Martins hjá Jumbo-Visna, sagði við fréttamenn að þarna væru samankomnir 180 vitleysingar sem væru að hjóla rétt við hver annan í hartnær þrjár vikur. „Auðvitað gerist eitthvað á leiðinni og í þessum hita er það eðlilegt að bregðast við þegar eitthvað svona gerist. Það er mannlegt að gera mistök og ég tel að það sé vitleysa að senda menn heim geri menn ein lítil mistök,“ sagði hann. Ben King, sem hjólar fyrir Dimension Data, tók í sama streng sem og Roger Kluge sem hjólar fyrir Lotto-Soudal.Julian Alaphilippe.AP/Christophe EnaÓbærilegur hiti Þrír dagar eru eftir af þessari erfiðustu hjólreiðakeppni heims og hjóluðu kapparnir fyrsta legginn af Ölpunum í gær. Heimamaðurinn Julian Alaphilippe hefur leitt frá áttunda legg og stefnir að því að verða fyrsti heimamaðurinn til að vinna Tour de France síðan 1985. Hann er þó langt frá því að vera þekktastur fyrir hraða sinn upp brattann. Hitinn hefur gert hjólreiða-mönnum erfitt fyrir og hafa sumir brugðið á það ráð að hjóla í ísvestum. Á miðvikudag var keppt á tiltölulega auðveldu yfirborði en hitinn fór hæst í 39 stig og malbikið minnti helst á steikarpönnu. Jasper Styven tísti að hann hefði ekki haft orku til að klára legginn en hann var í góðri stöðu skömmu fyrir lokaátökin. „Þetta getur ekki verið heilsusamlegt. Þegar hitinn verður svona of boðslegur þarf kannski að grípa eitthvað í taumana,“ sagði Steven Kruijswijk. Vissulega er hitinn minni uppi í Ölpunum en þegar lagt var af stað í gær var hitinn 10 gráðum hærri en venjulega. Aðeins 45 mínútum áður en keppnin hófst í gær birtist lyfja-eftirlitið frá UCI og tók lið Jumbo-Visna í lyfjapróf en hjólreiðar hafa verið litaðar af svörtum sauðum í gegnum tíðina. Steven Kruijswijk, Laurens De Plus og George Bennett fóru í blóðprufu til að athuga hvort maðkur væri í mysunni. Svo reyndist ekki vera og voru þeir félagar mættir á ráslínuna þegar hjólað var af stað. De Plus spaugaði á rás-línunni með að hann fagnaði lyfjaeftirlitinu. „Ég er enn með plásturinn og þetta er smá óþægilegt en við viljum að íþróttin sé hrein og ég vildi frekar gera þetta en hjóla á móti mönnum sem ég vissi að væru að taka inn eitthvað ólöglegt. Þeir birtast óvænt sem er gott, því ég vil ekki hjóla gegn fólki sem er að taka inn eitthvað ólöglegt.“ Alls eru hjólaðir 3.480 kílómetrar í þessari keppni en hún endar á sunnudag á Champs-Élysées. Í gær voru hjólaðir 208 kílómetrar frá Embrun til Valloire. Nairo Quint-ana frá Kólumbíu kom fyrstur í mark en heimamaðurinn Ala-philippe kom 23. í mark en heldur hinni frægu gulu treyju sem fremsti maður hjólar í. Hjólreiðar Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti „Fyrst og fremst bara ekki nógu sáttur með mína menn“ Handbolti Rautt spjald snemma leiks dýrt spaug fyrir Börsunga Fótbolti Fleiri fréttir LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Sjá meira
Tour de France hefur nú hafið klifur sitt upp Alpana. Til að gera hlutina enn verri er hitabylgja að ganga yfir landið svo hjólað var upp í móti í 30 stiga hita. Keppnin hefur ekki verið tíðindalaus og tveir hafa verið reknir heim fyrir slagsmál í brautinni. Þegar 14 kílómetrar voru eftir af 17. dagleið Tour de France lenti þeim Luke Rowe frá Wales og Tony Martin frá Þýskalandi saman á brautinni. Rowe var næstum keyrður út af brautinni af Martin og var ekki sáttur. Hjólaði á eftir honum, náði í skottið á honum og ýtti við og lét nokkur vel valin orð fylgja. UCI, Alþjóða hjólreiðasambandinu, og forráðamönnum Tour de France var ekki skemmt og hentu báðum keppendum úr keppni. Rowe talaði við blaðamenn eftir að hann steig út úr bíl UCI og sagðist vera niðurbrotinn enda hefði þetta verið lítið brot. „Mér f innst þetta ósanngjarnt. Ég var í klukkutíma þarna inni að skoða myndbönd af atvikinu og barðist ekkert aðeins fyrir mig heldur líka fyrir hann. En því miður hafði ég ekki erindi sem erfiði,“ sagði sá velski.Matteo Trentin kælir sig niður eftir sigur á sautjándu sérleiðinni.AP/Thibault CamusRowe hjólar fyrir Team Ineos og leikur lykilhlutverk í því að aðstoða Geraint Thomas í því að verja titil-inn frá því í fyrra. Þetta er því mikið högg fyrir ríkasta hjólreiðalið heims en Ineos er í eigu Íslandsvinarins Jims Ratcliffe. Liðið hét áður Team Sky en er nú í eigu Ratcliffes sem hefur styrkt stöðu þess sem eins af stórveldum hjólreiðanna. Martin var sömuleiðis niðurbrotinn og fannst refsingin heldur hörð. „Mér finnst auðvitað hrika-legt að skilja liðið eftir á þessum stað. Við erum að berjast við að koma manni á pall og mér f innst þetta hörð refsing en það þýðir víst ekki að deila við dómarann,“ sagði hann en Martin hjólar fyrir Team Jumbo-Visna. Liðin gáfu út sameiginlega yfirlýsingu þar sem skoðað er að áfrýja niðurstöðunni. „Þetta hafði ekki áhrif á nokkurn annan keppanda og hafði ekki áhrif á nokkurt annað lið. Þeir hjóluðu í mark og tókust í hendur á eftir. Það voru engin illindi í þessu enda bera þeir mikla virðingu hvor fyrir öðrum. Að keppni þeirra skuli enda svona finnst okkur óréttlæti,“ sagði í yfirlýsingunni. Flestir aðrir keppendur voru sammála um að refsingin væri heldur hörð. Amund Grøndahl Jansen, sem er samherji Martins hjá Jumbo-Visna, sagði við fréttamenn að þarna væru samankomnir 180 vitleysingar sem væru að hjóla rétt við hver annan í hartnær þrjár vikur. „Auðvitað gerist eitthvað á leiðinni og í þessum hita er það eðlilegt að bregðast við þegar eitthvað svona gerist. Það er mannlegt að gera mistök og ég tel að það sé vitleysa að senda menn heim geri menn ein lítil mistök,“ sagði hann. Ben King, sem hjólar fyrir Dimension Data, tók í sama streng sem og Roger Kluge sem hjólar fyrir Lotto-Soudal.Julian Alaphilippe.AP/Christophe EnaÓbærilegur hiti Þrír dagar eru eftir af þessari erfiðustu hjólreiðakeppni heims og hjóluðu kapparnir fyrsta legginn af Ölpunum í gær. Heimamaðurinn Julian Alaphilippe hefur leitt frá áttunda legg og stefnir að því að verða fyrsti heimamaðurinn til að vinna Tour de France síðan 1985. Hann er þó langt frá því að vera þekktastur fyrir hraða sinn upp brattann. Hitinn hefur gert hjólreiða-mönnum erfitt fyrir og hafa sumir brugðið á það ráð að hjóla í ísvestum. Á miðvikudag var keppt á tiltölulega auðveldu yfirborði en hitinn fór hæst í 39 stig og malbikið minnti helst á steikarpönnu. Jasper Styven tísti að hann hefði ekki haft orku til að klára legginn en hann var í góðri stöðu skömmu fyrir lokaátökin. „Þetta getur ekki verið heilsusamlegt. Þegar hitinn verður svona of boðslegur þarf kannski að grípa eitthvað í taumana,“ sagði Steven Kruijswijk. Vissulega er hitinn minni uppi í Ölpunum en þegar lagt var af stað í gær var hitinn 10 gráðum hærri en venjulega. Aðeins 45 mínútum áður en keppnin hófst í gær birtist lyfja-eftirlitið frá UCI og tók lið Jumbo-Visna í lyfjapróf en hjólreiðar hafa verið litaðar af svörtum sauðum í gegnum tíðina. Steven Kruijswijk, Laurens De Plus og George Bennett fóru í blóðprufu til að athuga hvort maðkur væri í mysunni. Svo reyndist ekki vera og voru þeir félagar mættir á ráslínuna þegar hjólað var af stað. De Plus spaugaði á rás-línunni með að hann fagnaði lyfjaeftirlitinu. „Ég er enn með plásturinn og þetta er smá óþægilegt en við viljum að íþróttin sé hrein og ég vildi frekar gera þetta en hjóla á móti mönnum sem ég vissi að væru að taka inn eitthvað ólöglegt. Þeir birtast óvænt sem er gott, því ég vil ekki hjóla gegn fólki sem er að taka inn eitthvað ólöglegt.“ Alls eru hjólaðir 3.480 kílómetrar í þessari keppni en hún endar á sunnudag á Champs-Élysées. Í gær voru hjólaðir 208 kílómetrar frá Embrun til Valloire. Nairo Quint-ana frá Kólumbíu kom fyrstur í mark en heimamaðurinn Ala-philippe kom 23. í mark en heldur hinni frægu gulu treyju sem fremsti maður hjólar í.
Hjólreiðar Mest lesið „Ein besta markvarsla sem ég hef séð“ Fótbolti LIV-kylfingar mega áfram taka þátt í Ryder-bikarnum og PGA-meistaramótinu Golf Seinna spjaldið var ekki viljandi: „Er bara pirraður og missi hausinn“ Íslenski boltinn Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti „Fyrst og fremst bara ekki nógu sáttur með mína menn“ Handbolti Rautt spjald snemma leiks dýrt spaug fyrir Börsunga Fótbolti Fleiri fréttir LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Sjá meira