Sjáðu öll 23 mörkin úr næst síðustu umferðinni í Pepsi Max-deild karla

Næst síðasta umferðin í Pepsi Max-deild karla fór fram í gærkvöldi og það var fátt um varnarleik á mörgum völlum í gær.

Það komu fimm mörk í Víkinni, í Vesturbænum og í Árbænum en fjögur mörk komu í Grindavík þar sem Grindavík lék sinn síðasta heimaleik í deild þeirra bestu í bili.

Tvö mörk voru skoruð í logninu í Kórnum en það var hins vegar ekki mikið logn í Eyjum þar sem einnig voru skoruð tvö mörk er Breiðablik var í heimsókn.

Öll mörk umferðarinnar má sjá hér að neðan.