Sjáðu Stjórnina taka Hatrið mun sigra

„Strax eftir að Hatari flutti lagið í forkeppninni lagði ég til við Stjórnarmeðlimi að við skyldum reyna við þetta skemmtilega lag, sem er í miklu uppáhaldi hjá okkur,“ segir Grétar Örvarsson en Stjórnin tók lagið vinsæla á tónleikum í Háskólabíói þann 5.október.

„Það má segja að það hafi steinlegið hjá bandinu eftir fyrsta rennsli. Í framhaldi fluttum við það á Eurovisionballi sem Stjórnin hélt á úrslitakvöldinu. Stjórnin endurtók síðan leikinn í Herjólfsdal á Þjóðhátíð við mikinn fögnuð brekkunnar. Þar sem Stjórnin er jú þekkt sem Eurovision hljómsveit fannst okkur tilvalið að hafa lagið á dagskrá tónleikanna í Háskólabíói.“

Grétar segir það draum sveitarinnar að taka lagið með Hatara.

Hér að neðan má sjá þennan skemmtilega og góða flutning Stjórnarinnar.