Hasar í fjórðu umferð Vodafone deildarinnar

Fjórða vika Vodafone deildarinnar hefst í kvöld. Á Stöð 2 eSport veður sýnt frá viðureign liðanna KEF.esports og TILT í Counter Strike: Global Offensive.

Útsendingin hefst klukkan 19:45 í kvöld og stendur yfir til um ellefu.

Það er þó ekki eina viðureignin sem verður sýnt frá í kvöld. Einnig verður sýnt frá leik Dusty Academy og Turboapes United í leiknum League of Legends. Í síðustu viku tók lið Fylkis mikilvæg stig af Dusty og því sitja Turboapes United einir í efsta sæti deildarinnar.

Hægt verður að horfa á leikinn hér að neðan og á Twitch og hefst hann klukkan 20:15.

Klukkan átta annað kvöld verður sýnt frá viðureignum Somnio eSports og FH annars vegar og Fylkis og KR hins vegar í LoL. XY.esports og Tindastóll keppa svo á sunnudaginn.

Hér að neðan má svo sjá stöðuna í deildinni.